د میدانوردګ د امنیې قومنداني چارواکي وایي چې د دغه ولایت جلرېز ولسوالي په «سنګلاخ دره» سیمه کې د یوې ناچاوده مرمۍ د چاودنې له امله دوه ماشومان وژل شوي دي.
د امنیې قومنداني ویاند محمدیوسف اسرار سلاموطندار ته وویل، پېښه هغه مهال رامنځته شوې چې ماشومانو په یوې ناچاوده مرمۍ لوبې کولې او تر چاودنې وروسته دواړه ماشومان ځای پر ځای وژل شوي دي.
اسرار وایي، د چاودلې مرمۍ نوعیت نهدی معلوم او وژل شویو ماشومانو عمرونه له ۶ کالونو نیولې تر لسو کالونو پورې دي.
باید وویل شي چې په دې وروستیو کې د میدانوردګ په ګډون د هېواد په بېلابېلو ولایتونو کې ناچاوده مرمیو او سرګلولو د چاودنو له امله یوشمېر ماشومان وژل شوي او یوشمېر ټپيان شوي دي.