په بغلان کې امنیتي مسوولان وايي چې په دغه ولایت کې یوې ټرافیکي پېښې د ۱۷ کسانو ژوند اخیستی او ۳۴ نور یې ټپیان کړي دي.
د سلاموطندار پښتو فېسبوکپاڼه وڅارئ
د بغلان د امنیې قومانداني ویاند شېراحمد برهاني وايي، نن سهار (د چنګاښ ۲۶مه، د سهشنبې ورځ) یو ۵۸۰ ډوله موټر چې مسافر یې لېږدول، د خنجان ولسوالي اړوند د شمالي سالنګ په تختهسنګ کې له سړک څخه ښي لوري ته اوښتی او رغړېدلی دی.
د نوموړي په وینا، په دې پېښه کې د ښځو او ماشومانو په ګډون، ۱۷ کسانو ژوند بایللی او ۳۴ نور ټپیان شوي دي. په مړو شویو کسانو کې ۱۲ نارینه، دوه ښځې او درې ماشومان شامل دي.
د بغلان د امنیې قومانداني ویاند زیاتوي چې د خنجان امنیتي مسوولانو د یادې پېښې ټپیان د درملنې په موخه د بغلان ولایتي روغتون ته لېږدولي دي.
