د شمالي کوريا دولتي خبري اژانس نن «پنجشنبه، ډسمبر ۲۸مه» په یوه راپور کې ویلي، کېم ټینګار کړی چې د کوریا په ټاپو وزمه کې امریکا سره د «پوځي وضعیت» د «بېساري» شمال ضد مبارزې له امله «خراب» شوی دی.
د شمالي کوريا دولتي خبري اژانس د جګړې چمتووالي په اړه نور جزییات نهدي ورکړي.
سوېليکوریا، جاپان او امریکا سږکال سیاسي او دفاعي همکارۍ ژورې کړې او د پیونګ یانګ لهخوا د وسلو ازموینو د ریکارډ ماتولو لړۍ سره مخ دي چې دې وروستیو کې د شمالي کوریا د توغندیو توغولو په اړه یو سېسټم فعال کړی دی.
د دې میاشتې په پیل کې د امریکا متحده ایالاتو اټومي ځواکلرونکی اوبتل د سوېليکوریا بندري ښار بوسان ته ورسېد او واشنګټن د سیول او توکیو سره په تمرینونو کې خپل اوږد واټنویشتونکي توغندي ځای پرځای کړې دي.
سلاموطندار پر ټویټر هم وڅارئ
د شمالي کوريا دولتي خبري اژانس (KCNA) په راپور کې همداراز راغلي چې کېم جونګاون ۲۰۲۴ کال لپاره اقتصادي اهداف هم په ګوته کړل او دا یې د هېواد د پنځه کلن پرمختیایي پلان د پلې کولو لپاره «پرېکده کال» وباله او د کرنې پر اهمیت یې ټینګار وکړ.