ولسي جرګې د لومړي مرستیال امرالله صالح د هغو څرګندونو پر وړاندې توند غبرګون وښود چې د ملي شورا یوشمېر غړي یې په فساد کې ښکېل بللي وو او په وینا یې، تر اوسه د ملي شورا هېڅ غړي په فساد کې د لاس لرلو بیه نه ده پرې کړې.
سلاموطندار ته داسې سندونه رسېدلي چې ښیي د غور ولایت د محکمې، د ځمکو ادارې او عدلیې ریاست مسوولان د ۲۷ جریبه ځمکې له خاوندانو نه د باج اخیستو په موخه هڅه کوي چې یادې ځمکې د دولتي ځمکو په کتار کې راولي. د سلاموطندار موندنې ښيي چې شاوخوا ۷۰۰ کورنیو پر یادو ځمکو کورونه جوړ کړي او پهکې اوسېږي.
د افغانستان د بیارغونې لپاره د امریکا د پلټونکې ادارې یا سیګار په یوه لیک کې چې د بهرنیو چارو، دفاع او د امریکا د نړیوالې پراختیا مسوول ته یې لیکلی ویل شوي چې افغانستان د فساد مخنیوي لپاره محدود ګامونه پورته کړي دي او په دې هېواد کې له فساد سره مبارزه محدوده او نمایشي ده.
په دې لیک کې راغلي چې د افغانستان حکومت اصلاحات د کاغذ په پاڼو، قواعدو او د جلسو جوړولو ته محدود دي او دا اصلاحات او ګامونه هغه وخت ډېر شوي چې د مرستندويه هېوادونو نظارت زیات شوی دی.
د افغانستان د روڼتیا څار بنسټ هېواد کې فساد سره د مبارزې وضعیت د اندېښنې وړ بولي. د ياد بنسټ اجرايي رييس اکرام افضلي نن کابل کې یوې خبري غونډه کې وویل، حکومت فساد سره مبارزه کې ناکامه دی او کړنې یې یوازې د شعار په حد کې پاتې شوې دي.
د عامې روغتیا پخوانی وزیر فېروزالدین فېروز د پنځو کلونو لپاره د دغه وزارت وزیر و. سلاموطندار ته رسېدلي سندونه ښيي چې نوموړی په یاد وزارت کې پر ناقانونۍ، اړیکو پاللو او له فساده ډکو کارونو تورن دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
