د روزګان د فوټبال فدراسیون چارواکي وايي، د دغه ولایت د فوټبال غوره لیګ یې پیل کړی چې دوه میاشتې به دوام وکړي.
د روزګان د فوټبال فدراسيون رییس ميرزامحمد اميرزی وايي سيالۍ يې د افغانستان د فوټبال فدراسيون په مرسته پیل کړي چې نهه لوبډلې پهکې ګډون لري.
که څه هم د لوړو زدهکړو وزارت څو ورځې وړاندې له ځینو رسنیو سره په مرکو کې یو ځل تایید کړه چې د کانکور ازموینه کې یې ځینې بدلونونه راوستي، خو وروسته یې بېرته خپله خبره واخیسته. زما د معلوماتو پر بنسټ او ولایتونو کې د کانکور ازموینې اخیستو او شته سندونو ته په کتو، د دې پوښتنې ځواب دا دی چې د لوړو زدهکړو وزارت رښتیا هم په دې پروسه کې بدلون راوستی دی.
په سوېل ختیځ زون پکتیا، پکتیکا او خوست ولایتو کې یوشمېر خبريالان او د رسنيو مسوولان وايي چې په تېرو درېوو مياشتو کې تر سلو زيات خبريالان چې له چاپي رسنۍ، راډيوګانو او انځوريزو رسنيو سره یې کار کاوه، وزګاره شوي او يا هم پرته له کوم امتياز څخه رسنیزې چارې مخ ته وړي.
تېره يوه اوونۍ کې پر پکتيا سربېره خوست او پکتيکا ولایتونو کې د مخکیني حکومت يوشمېر دولتي کارکوونکي د ناپېژنده وسلهوالو له لوري وژل شوي. پکتيا کې د پخواني حکومت د لومړۍ حوزې آمر عزت الله ارين، پکتيکا کې د اردو سرتېری شميم، خوست کې د سرحدي ځواکونو افسر احسانالدين او شاعر هيلهمند ژوندی، په تېره اوونۍ کې وژل شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
