اطلاعاتو ته د لاسرسي نړیواله ورځ؛ خبریالان: مسوولان پر وخت معلومات نه شریکوي

د سپټمبر ۲۸مه اطلاعاتو ته د لاسرسي نړیواله ورځ ده. په کابل کې یوشمېر خبریالان او د رسنیو مسوولان اطلاعاتو ته د نه لاسرسي په اړه شکایت کوي او وايي، د یوشمېر دولتي ادارو مسوولان خبریالانو ته معلومات نه ورکوي او د یوشمېر نورو بیا په ډېرې سختۍ له رسنیو سره معلومات شریکوي.

حکومت ته د ۵۰۰ خبریالانو اعتراض‌لیک؛ «اطلاعاتو ته د لاسرسي قانون دې عملي شي»

د افغانستان د ژورنالېستانو او رسنیزو بنسټونو فدراسیون نن په یوه خبري غونډه کې د سپټمبر ۲۸مې یا اطلاعاتو ته د لاسرسي نړیوالې غونډې په مناسبت له ۵۰۰ نه د ډېرو خبریالانو لاسلیک شوی اعتراض‌لیک له رسنیو سره شریک کړ.

اطلاعاتو ته د نه لاسرسي په اړه د خبریالانو شکایت

کابل کې یو‌شمېر خبریالان د خپلو رسنیزو فعالیتونو پرمهال اطلاعاتو ته د نه لاسرسي له امله شکایت کوي. دوی وايي چې ډېری وخت حکومتي چارواکي د اړوند موضوعاتو په اړه پر وخت معلومات نه ورکوي او په دې برخه کې له ګڼو ستونزو سره مخ دي. په کابل کې یو خبریال تاج‌ولي غورځنګ وايي چې رسنۍ معلوماتو ته اړتیا لري او حکومت باید ورته پر وخت معلومات ورکړي.