د مایکروسافټ شرکت مسوولانو ویلي، سکایپ اپلیکېشن له څه باندې ۲۲ کلونو وروسته نن د مې ۵مه رسمآ تړل کېږي.
سکایپ په ۲۰۰۳ کال کې چې ځیرک ټیلیفونونه عام نهوو، د غږیزې او ویډیويي اړیکې لپاره تر ټولو غوره وسیله بلل کېده او میلیونونو کسانو کاراوه، خو وروسته یې خپل کاروونکي له لاسه ورکړل.
مایکروسافټ په ۲۰۱۹ کال کې د ټیمز «TEAMS» په نوم اپلېکېشن چې د سکایپ ټول قابلیتونه لري، بازار ته وړاندې کړ او دا هم د سکایپ کارونکو د کمېدو ستر لامل ګڼل کېږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
مایکروسافټ په ۲۰۱۱ کال کې سکایپ په ۸.۵ میلیارډ ډالرو وپېره چې هغه مهال یې څه باندې ۱۵۰ میلیونه کاروونکي درلود، خو ۲۰۲۳ کال کې د سکایپ کاروونکو شمېر یوازې ۲۳ میلیونه ښودل شوی.
د مایکروسافټ شرکت د مالوماتو له مخې، د دوی د نوي ټیمز اپلېکېشن څخه دا مهال شاوخوا ۳۲۰ میلیون کسان کار اخلي.
مایکروسافټ دا نهدي ویلي چې د سکایپ په تړلکېدو سره به څومره کسان خپلې دندې له لاسه ورکړي.
