د بدخشان د امنیې قومنداني مسوولان وايي، د دغه ولایت د راغستان او یفتل پایین ولسوالۍ لاره کې د «لنډکروزر» موټر چپه کېدو له امله یوې ښځې ژوند بایللی او ۱۱ کسان ټپیان شوي دي.
دغه پېښه شنبې سهار مهال شوې.
د بدخشان د امنیې قومنداني ویاند احسانالله کامګار وویل، د چپه شوي موټر سپرلۍ له راغستان ولسوالۍ مرکز فیضاباد ښار ته روانه وه.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د هغه په وینا، ټپیان روغتون ته لېږدول شوي او روغتیايي وضعیت یې هم د ډاډ وړ ښوول شوی دی.
د موټرچلوونکو بېاحتیاطي، تېز سرعت او د سړکونو بد وضعیت هېواد کې د ټرافیکي پېښو له مهمو لاملونو څخه شمېرل کیږي.
