د فراه د کرنې، اوبولګولو او مالدارۍ ریاست متخصص توریالی نوري وايي چې دغه ولایت کې په ۲ میلیون او ۶۸۵ زره او ۴۵۸ متر مربع ځمکه شنې خونې جوړې شوي.
ده وویل، هر فصل کې هر زر متر مربع شنوخونو کې ۱۴ ټنه محصول تولیديږي.
د هغه په وینا، د کرنې ریاست او د همکاره موسسو په همکارۍ د خصوصي سکتور له لارې د شنوخونو جوړولو په برخه کې ۹۹۳.۶ میلیون ډالره پانګونه شوې ده.
د سلاموطندار پښتو فېسبوکپاڼه وڅارئ
د فراه له شنوخونو، کدو، بادرنګ، رومي بانجان او تور بانجان یوشمېر ولایتونو او عراق هېواد ته هم صادریږي.
خو د فراه د کرنې ریاست مسوولان ټینګار کوي چې تېرو څو ورځو کې د بارانونو، طوفان او ږلۍ له امله، د دغه ولایت په مرکز او ولسوالیو کې ۱۰۲ زره متر مربع شنې خونې او ۲۲۱۳ جریبه تر کښت لاندې ځمکه ویجاړه شوې ده.
د یادونې ده چې روان لمریز کال کې فراه کې له شنوخونو دوه میلیون او ۲۵۱ زره افغانۍ عاید ترلاسه شوی دی.
