د رییسالوزرا اقتصادي مرستیال عبدالغني برادر نن (یکشنبه، وري ۱۰) ارګ کې د کوچني اختر تر لمانځه وروسته، ټولو مسلمانانو ته د کوچني اختر د مبارکۍ ترڅنګ ویلي، افغانان باید د یووالي او د هیواد د پرمختګ او ابادۍ لپاره یوه بل ته لاس ورکړي.
ملا برادر له نړیوالو وغوښتل چې اسلامي امارت سره رغنده اقتصادي او سیاسي تعاملاتو ته لار هواره کړي، اسلامي امارت د خپلې اقتصاد محوره پالیسۍ او متقابل درناوي په چوکاټ کې هر ډول مناسبو تعاملاتو او مناسباتو ته چمتو دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه وویل: «ټول افغانان د هیواد په خوښۍ او پرمختګ کې سره شریک دي. د خوښۍ ځای دی چې له څو کلونو جنګ او ناخوالو را وروسته د اسلامي امارت په حاکمیت سره د اختر ورځې د بشپړ امنیت او سولې په فضا کې لمانځو.»
ارګ کې د کوچني اختر د لمانځه مراسمو کې د اسلامي امارت د ریاست الوزرا د اقتصادي او اداري مرستیالانو ترڅنګ، د رئیس الورزا د دفتر رئیس، د کابينې وزیرانو، د اسلامي امارت یوشمېر ملکي او نظامي چارواکو او د خلکو بېلابېلو اقشارو حضور درلود.
