د بادغیس یوشمېر اوسېدونکي او کروندګر په دغه ولایت کې د پستې پر ځنګلونو او کروندو د ملخانو له برید اندېښنه ښيي او له حکومت او اړوند موسسو دې برخه کې د مرستې غوښتنه کوي.
دوی زیاتوي که حکومت او د کرنې سکټور اړوند همکارې موسسې د ملخانو د برید مخه ونهنیسي، د پستې ځنګلونه او د کروندګرو کښتونه به لهمنځه لاړ شي.
د سلاموطندار پښتو فېسبوکپاڼه وڅارئ
په ورته وخت کې یاد ګروندګر وايي چې له تېرو دوو اوونیو راهیسې د یاد ولایت په یوشمېر ولسوالیو په ځانګړې توګه د پستې پر ځنګلونو او کروندو ملخانو برید کړی چې په وینا یې، د مخنیوي توان یې نهلري.
بادغیس کې یوه کروندګر جمعهګل سلاموطندار ته وویل: «په زاړه پُل او چهلکهنه سیمو کې ملخان راغلي او د ونو پاڼې او د پستې ونې مېوې خوري، موږ ته یې زیان اړولی. د لنګر ولسوالي اوسېدونکي تشویش کې دي چې څنګه به شي.»
په ورته مهال د بادغیس یوه بل اوسېدونکي خدابخش سلاموطندار ته وویل چې له یوه پلوه یې وچکالۍ کښتونه زیانمن کړي او له لوري یې د ملخانو برید اندېښمن کړی دی.
هغه زیاتوي: «بالامرغاب او غورماچ ولسوالیو کې ملخان راغلي. حکومت دې موږ ته پام وکړي. وچکالي مو کښتونه زیانمن کړي او د ملخانو په راتلو سره اندېښمن یو. دولت دې موږ سره مرسته وکړي.»
بلخوا د بادغیس د کرنې برخې مسوولان بیا د دغه ولایت په جوند، تګابعالم، دره بوم او بالامرغاب ولسوالیو کې د ملخانو برید تاییدوي او وايي چې د موسسو په همکارۍ یې د ملخانو د مخنیوي کمپاین پیل کړی دی.
د بادغیس د کرنې رییس عبدالحی منیر سلاموطندار ته وویل: «په ځینو ځایونو کې یې غنمو او نورو کې په زیرې او سغاو سیمه کې د پستې پر ځنګلونو برید کړی او زیان اړولی دی. له بدهمرغه بادغیس دومره امکانات نهلري، موږ یوازې د دواشېندو له اړخه چمتووالی نیولی دی.»
بادغیس کې داسې مهال د ملخانو د برید په اړه اندېښنې څرګندېږي چې څه موده وړاندې د خوړو نړیوال پروګرام د هېواد په شمالي ولایتونو کې د ملخانو د برید په اړه خبرداری ورکړی او ټينګار یې کړی و، که یې مخه یې ونه نیول شي، ګڼشمېر کروندګر به زیانمن شي.