نیمروز کې ولسي سرچینې سلاموطندار ته وايي چې د دغه ولایت په سرحدي سیمه کې د افغانستان او ایران امنیتي ځواکونو ترمنخ نن سهار نښته رامنځته شوې چې اوس هم روانه ده.
د سرچینې په وینا، تراوسه معلومه نه ده چې دغه نښته د څه له امله رامنځته شوې، خو زیاتوي چې ایراني ځواکونو پر زرنج ښار د توغندیو بریدونه هم کړي دي.
د سلاموطندار پښتو فېسبوکپاڼه وڅارئ
په ورته مهال سرچینې زیاته کړې چې د نیمروز مرکز زرنج ښار د زاړه هوايي ډګر سیمې څخه ګڼشمېر کورنۍ د ایراني ځواکونو د توغندیزو بریدونو له وېرې له یادې سیمې وتلي دي.
سرچینې همداراز ویلي چې لا هم د ایران او افغانستان د ځواکونو ترمنځ سخته جګړه روانه ده.
د نیمروز محلي مسوولانو او د سرپرست حکومت چارواکو تراوسه په دې اړه څه نه دي ویلي. بلخوا تراوسه د ایران حکومت هم په دې اړه په رسمي توګه څه نه دي ویلي.
له دې وړاندې هم نیمزوز کې د ا.ا او ایراني سرحدي ځواکونو ترمنځ نښتې رامنځته شوي دي.