د نړیوالو رسنیو د راپورونو له مخې، د اروپا ګڼ هېوادونه د اوړي له پیل مخکې د سختې او غیرمعمولي ګرمۍ له څپې سره مخ شوي دي.
په پرتګال، فرانسه، ایټالیا، جرمني او بریتانیا کې د تودوخې لوړې درجې خلک ساحلونو، پارکونو او د اوبو تفریحي سیمو ته اړ کړي دي.
په پرتګال کې د لیزبون ښار ته نږدې ساحلونه له خلکو او سیلانیانو ډک شوي، حال دا چې فرانسه د مې میاشتې تر ټولو ګرمه ورځ ثبت کړې ده.
فرانسوي چارواکو ویلي چې د ګرمۍ له امله اووه کسان مړه شوي او سیمهییزو ادارو ته د اضافي احتیاطي تدابیرو سپارښتنه شوې ده.
ایټالیا کې هم تودوخه لوړه شوې او په ځینو سیمو کې د ۳۵ درجې سانتيګراد اټکل شوی دی. په روم او میلان کې خلکو د لمر څخه د ژغورنې لپاره چترۍ او اوبه کارولې.
په بریتانیا کې لندن د مې میاشتې د تودوخې نوی ریکارډ ثبت کړی، چې د هوا پېژندنې ادارې په وینا تودوخه ۳۵ درجې سانتيګراد ته رسېدلې ده.