د شل اووره نړیوال جام په دویمه نیمه پایلوبه کې نن د انګلستان د کرېکټ ملي لوبډله بریالۍ شوه چې هند ته ماته ورکړي او پایلوبې ته لاره پیدا کړي.
انګلستان ته به راتلونکې یکشنبه له پاکستان سره د روان کرېکټ شل اووره نړیوال جام پایلوبه وکړي.
هند په دغه لوبه کې لومړی توپوهنه وکړه او په ټاکل شویو شلو اورونو کې یې د شپږو لوبغاړو په سوځېدو ۱۶۹ منډې جوړې کړې.
د هند لپاره په توپوهنه کې هارډ پانډیا ۶۳ او ویرات کوهلي ۵۰ منډې جوړې کړې.
د هندي له لوري د ورکړل شوي هدف په ځواب کې انګلستان بهترینه لوبه وکړه او دغه هدف یې پرته له دې چې کوم لوبغاړي یې وسوځېږي، د لوبې په ۱۶ اوور کې ترلاسه کړ.
سلاموطندار پر ټویټر هم وڅارئ
د انګلستان لپاره په توپوهنه کې الېکس هېلس ۸۶ او لوبډلمشر جاس بټلر ۸۰ منډې جوړې کړې.