د بهرنیوچارو وزارت سرپرست امیرخان متقي د چین له ځانګړي استازي یوشیایو یونګ سره لیدلي دي.
د یاد وزارت د ویاند مرستیال ضیااحمد تکل پر خپله اېکسپاڼه لیکلي چې دواړو لوریو د افغانستان او چین پر دوه اړخیزو اړیکو، اقتصادي همکاریو او نورو موضوعاتو په تړاو خبرې کړي.
سلاموطندار له ۳۰ زدهکړیالانو سره چې ۱۷ یې نجونې او ۱۳ نور هم هلکان دي، مرکې کړي او پایله یې ښيي چې ځوانان د انلاین زدهکړو پر مهال له ستونزو سره مخامخ دي.
دوی وايي، د انټرنېټ کیفیت ټیټ دی او برښنا هم دوامداره نه وي؛ نو په منظم ډول خپلې زدهکړې نهشي څارلی.
د ملګرو ملتونو سازمان د اقلیمي بدلونونو ۲۹مه غونډه یا کاپ۲۹ د اذربایجان په پلازمېنه باکو کې پای ته ورسېده.
هغو هېوادونو چې په دې غونډه کې یې ګډون کړی و، هوکړه کړې چې د نړۍ شتمن او پرمختللي هېوادونه به تر ۲۰۳۵ کال پورې هر کال ۳۰۰ میلیارډه ډالره بودیجه بېوزلو هېوادونو ته د اقلیمي بدلونونو د اغېزو مهارولو لپاره ورکوي.
په کابل کې له ۴۰ ښځینه کارګرانو سره د سلاموطندار د مرکو موندنې ښيي چې ډېر او سخت کار، لږ تنخوا او د کاري خوندیتوب نه لرل هغه ننګونې دي چط دوی ورسره لاس او ګرېوان دي. دا ښځې رسمي قرارداد نهلري او په ورځني مزد د کابل په خیاطیو، شرکتونو او کارخونو کې کار کوي. دوی ټولې له خپلې تنخوا څخه ناخوښې دي.
د اروپايي ټولنې د بهرني سیاست مسوول جوزېپ بورل ویلي چې د اروپايي ټولنې غړي هېوادونه مکلف دي چې د اسراییلو د لومړي وزیر بنیامین نتانیاهو او د دغه هېواد د دفاع پخواني وزیر یواف ګالانت د نیولو په اړه د کیفري نړیوالې محکمې حکم عملي کړي. رویټرز خبري اژانس راپور ورکړی چې بورل دا خبرې پرون-د لیندۍ درېیمه، د شنبې ورځ قبرس ته د سفر پر مهال کړي دي.
د بغلان د نهرین ولسوالي د «سیدپاچا اغا» په زیارت کې د لسو کسانو له وژل کېدو وروسته، د ا.ا ویاند ذبېح.الله م.جاهد سلاموطندار ته ویلي چې د دې پېښې عاملان به ژرترژره ونیول شي او په وینا یې، دوی هڅه کوي چې د ورته جنایتونو د تکرار مخه ونیسي. هغه ټینګار کوي چې هر افغان حق لري په خوندي ډول ژوند وکړي او خپل دیني مراسم ترسره کړي.
د بغلان د طبیعي پېښو پروړاندې د مبارزې ریاست مسوولان وايي، سېلابونو په دغه ولایت کې ۵۰ کورونه وران کړي دي.
د بغلان د طبیعي پېښو پر وړاندې د مبارزې رییس هدایتالله همدرد وايي، بېګاه د دغه ولایت په مرکزي بغلان او دهنهغوري ولسواليو کې سېلابونه راوتلي چې له کبله یې کورونه ویجاړ او کرنیزې ځمکې هم اوبو وړي دي.
یوشمېر ډاکټرانو سلاموطندار ته ویلي چې د بېلابېلو لاملونو له کبله د نجونو پر مخ د ځوانۍ دانې راخېژي. دوی اندېښنې، خپګان، موسمي بدلونونه، میاشتنۍ ناروغي، هورموني بدلونونه او د مناسبو خوړو نه کارول د دغو دانو راختلو اصلي لاملونه بولي. د ډاکټرانو په وینا، د ځوانۍ دانې تر ډېره پر هغو نجونو راخېژي چې له ۹ تر ۲۵ کلونو پورې عمر لري.
د ملګرو ملتونو سازمان وايي، د روان زېږدیز کال له پیل راهیسې په ټوله نړۍ کې ۲۸۱ مرستهرسوونکي وژل شوي دي.
د دغه سازمان بشردوستانه څانګې په یوه خبرپاڼه کې چې پر اېکس یې خپره کړې، لیکلي چې ۲۰۲۴ کال د مرستهرسوونکو لپاره تر ټولو خونړی کال و.
حماس وايي، اسراییلو پر غزې بریدونه کړي چې له کبله یې د ۶۴ ماشومانو او ښځو په ګډون، ۱۱۲ کسان وژل شوي او لسګونه نور ژوبل شوي دي.
د الجزیره خبري شبکې راپور ورکړی چې یاد کسان پر بیتلاهیه ښار او د غزې تړانګې پر ځینو نورو برخو د اسراییلو په پرونیو بریدونو کې وژل شوي او ټپیان دي.
د بغلان امنیتي مسوولان وايي، ناپېژنده وسلهوالو د دغه ولایت د نهرین ولسوالي په زاړه ښار کې پر لمونځکوونکو چې پر دوعا بوخت وو، برید کړی او لس کسان یې وژلي دي.
د بغلان د امنیې قومانداني ویاند شېراحمد برهاني وايي، په دغه برید کې د نهرین ولسوالي لس لمونځکوونکي چې د سیدپاچا اغا سادات په زیارت کې پر ذکر لګیا وو، وژلي دي.
د کډوالو په چارو کې د پاکستان عالي کمېشنر محمدعباس خان اسلاماباد کې یوې غونډې ته ویلي، افغانستان ته په داوطلبانه ډول د افغان کډوالو ور ګرځېدو، د دوی د ستونزو ارزولو او د لوېدیځو هېوادونو له لوري په پاکستان کې د مېشتو افغان کډوالو د منلو پروسې چټکتیا په موخه به په اسلاماباد کې یوه نړۍواله غونډه جوړه شي.
د کیفري نړیوالې محکمې د اسراییلو د لومړي وزیر بنیامین نتانیاهو او د دغه هېواد د دفاع مخکیني وزیر یواف ګالانت د نیولو حکم صادر کړی دی.
رویټرز خبري اژانس خبر ورکړی چې دغه حکم پرون – د لیندۍ لومړۍ، پنجشنبه صادر شوی دی.
د کیفري نړیوالې محکمې د حماس د نظامي مسوول محمددیاب ابراهیمالمصري د نیولو حکم هم صادر کړی دی.
نن پنجشنبه د نومبر ۲۱مه د ټلوېزیون له نړیوالې ورځې سره برابره ده. دغه ورځ داسې مهال رارسیږي چې هېواد کې د رسنیو په ځانګړې توګه ځینو ولایتونو کې د تصویري رسنیو فعالیت یو لړ لوړو او ژورو سره مخ شوی دی. تخار کې خبریال فریدون یلداش وايي: «دا چې موږ نشو کولای له ژوندیو موجوداتو تصویر واخلوو، دې چارې موږ له ستونزو سره مخ کړي یوو.»
د دفاع وزارت سرپرست محمدیعقوب مجاهد د افغانستان په چارو کې د ایران له ځانګړي استازي حسن کاظمي قُمي سره لیدلي دي.
په دې لیدنه کې د دواړو هېوادونو د پولو امنیت په اړه بحث او خبرې شوې دي. د چارو یوشمېر شنونکي د دواړو هېوادونو د پولو ترمنځ د امنیت په اړه اندېښنې، د دواړو هېوادړونو په ګټه دي.
د ميدانوردګ په مرکز ميدان ښار کې د یوه شخصي پانګوال په هڅو د یو ميلیون امريکايي ډالرو په ارزښت د «بیک» قلمونو کار خونې
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
