د اسراییلو د بهرنیو چارو وزیر یسراییل کاټز پر خپل اېکس لیکلي چې د ملګرو ملتونو سرمنشي انټونیو ګوټرېش ته به اجازه ور نهکړي چې خاورې ته یې ور دننه شي. هغه ګوټرېش یو «نامطلوب کس» بللی دی.
د کاټز په وینا، پر ګوټرېش یې ځکه دغه بندیز لګولی چې په غوڅ ډول یې پر اسراییلو د ایران او د اکټوبر پر اوومه پر اسراییلو د حماس بریدونه نهدي غندلي او نه یې هم د حماس، حزبالله او حوثیانو د اقداماتو پر وړاندې توند غبرګون ښودلی دی.
ایران د سهشنبې په شپه شاوخوا ۲۰۰ توغندي پر اسراییلو ور وتوغول. د ایران سپاه پاسداران په یوه خبرپاڼه کې خبرداری ورکړی چې که اسراییل ځواب ورکړي، لا سخت ځواب به ورکړي.
په همدې حال کې د ایران ولسمشر مسعود پزشکیان پر اېکس یو پیغام خپور کړی او ویلي یې دي چې د دغه برید موخه یې د خپل هېواد د ګټو دفاع وه.
د سرپرست حکومت د کورنیو چارو وزارت مسوولان وايي، د دغه وزارت د سرپرست سراج.الدین حقا.ني په لارښوونه یوه کمېټه جوړه شوې، څو د هغه حکم پر پلي کېدو څارنه وکړي چې له مخې یې د هر ډول کیندل شویو څاهګانو خاوندان باید د ګواښونو او پېښو د مخنیوي لپاره د څاهګانو سرونه بند یا هم داسې جوړ کړي چې څوک پهکې ونه لوېږي.
د ایران د بهرنیو چارو وزارت ویاند ناصر کنعاني پر اسراییلو د دغه هېواد له توغندیزونو بریدونو وروسته ویلي، اسراییل او د هغو ملاتړي دې وپوهېږي چې ایران هغه څه کوي چې وايي یې.
نوموړي نن (د تلې ۱۱مه، چهارشنبه) پر خپل اېکس یوه خبرپاڼه کې لیکلي چې ایران د سیمې امنیت او ثبات ته ژمن دی، خو د «یرغلګرو» پر وړاندې به کوټلي ګامونه واخلي.
د اسراییلو لومړي وزیر بنیامین نتنیاهو ویلي چې ایران پر دغه هېواد د برید له امله لویه تېروتنه کړې ده.
رویټرز خبري اژانس راپور ورکړی چې نتنیاهو دا موضوع د ایران له برید وروسته په یوه بیړنۍ غونډه کې کړې او ټینګار یې کړی چې ایران به پر اسراییلو د برید بیه پرې کړي.
یوشمېر افغان خبریالان او د ځینو رسنیو مسوولان اطلاعاتو ته د ټولیز لاسرسي له نړیوالې ورځې سره هممهاله له سرپرست حکومت څخه غواړي چې د ټولیزو رسنیو قانون وروستی کړي.
دوی د افغان خبریالان د خوندیتوب کمېټه کې د یوې جوړې شوې غونډې پر مهال وویل چې ورځ تر بلې اطلاعاتو ته لاسرسی کمېږي.
د لوګر د امنیې قومانداني مسوولان وايي، یوې ښځې او یوې پېغلې په دغه ولایت کې ځانونه وژلي دي.
د دوی په وینا، دا پېښه پرون شپه ناوخته (د تلې دویمه، دوشنبه) د لوګر د مرکز پلعلم ښار اړوند د «خلیفه صیب» سیمه کې شوې ده.
د سېلاب خیریه بنسټ نن (د تلې درېیمه، سهشنبه) په کابل ښار کې د ۳۰ جوړو د ډلهييز واده پروګرام جوړ کړ. د دغه بنسټ مسوول سیداحمد سېلاب وايي، د دغه واده مراسم یې په ټولنه کې د ناوړه دودونو د ورکولو او د ډلهييزو ودونو دودولو په موخه جوړ کړي دي. هغه زیاتوي: «د سېلاب خیریه بنسټ چې له ډېر ولور او بېځایه دودونو سره د مبارزې لپاره ځوانانو ته ډلهييز ودونه جوړوي، نن یې د ۶۰ ځوانانو لپاره چې د بېلابېلو قومونو اړوند دي، د ډلهييز واده پروګرام جوړ کړی دی.»
د لبنان د روغتیا وزارت ویلي چې د دغه هېواد پر بېلابېلو سیمو د اسراییلو په هوايي بریدونو کې لږترلږه ۴۹۲ کسان وژل شوي او ۱۶۴۵ نور ټپیان دي.
رویټرز خبري اژانس راپور ورکړی چې اسراییلو پرون (د تلې دویمه، دوشنبه) د لبنان پر سوېل، ختیځ او شمال باندې هوايي بریدونه کړي دي.
د جوګي قوم نږدې ۳۰۰ کورنۍ د افغانستان د پلازمېنې په خیرخانې کوتل کې د ژوند له لومړنیو امکاناتو پرته تر خیمو لاندې په سختو شرایطو کې ژوند کوي.
د جوګي قوم ښځې او نجونې له سختې بېوزلۍ، ټولنیز توپیري چلن، روغتیايي او د زدهکړو خدمتونو ته نه لاسرسی، په کم عمر کې ودېدو او نورو بېلابېلو ټولنیزو فشارونو سره مخامخ دي.
د روزګان د چورې ولسوالي اوسېدونکی وليجان چې ۵۵ کلن دی وايي، سېلابونو یې شپږ میاشتې وړاندې کور نړولی، خو لا یې وسه نه لري چې بېرته یې جوړ کړي. هغه له سرپرست حکومت او نورو خیریه بنسټونو غوښتنه کوي چې د کور جوړېدو برخه کې ورسره مرسته وکړي.
د بدخشان د اطلاعاتو او کلتور ریاست د اطلاعاتو امر حکمتالله محمدي وايي، د وږي په ۲۹مه، د پنجشنبې ورځ غرمه مهال شاوخوا دولس بجې د دغه ولایت په خواهان ولسوالي کې د خاورو یوه غونډۍ را ښویېدلې چې له کبله یې درېوو کسانو خپل ژوند بایللی دی. د معلوماتو له مخې، قربانیان د خواهان ولسوالي د خمبهار او دو درګي سیمو اوسېدونکي دي.
د پکتيا ولايت د مرکز ګردېز ښار اړوند د بلندمنزلو سیمه کې د يوه لوی عيدګاه جومات د جوړېدو چارې چې د کورنیو چارو وزارت سرپرست سراج.الدین حقا.ني هم پهکې ګډون کړی و، پیل شوې.
د لوګر د کرنې اوبو لګولو او مالدارۍ ریاست مسوولان وایي، د ملګرو ملتونو د کرنې او خوړو نړیوال پروګرام یاFAO د دغه ولایت په مرکز پلعلم ښار او ولسوالیو کې زرګونو لویو او وړو څارویو ته د لمپيسکېن په نوم د پوستکي ناروغۍ ضد واکسین پیل کړی دی.
یوشمېر میندې په کابل کې د ناطبیعي زېږون د کچې له لوړې سره هممهاله وايي، ناطبیعي زېږون د طبیعي زېږون هغومره سختي نهلري او همدا لامل دی چې په کابل کې یې کچه لوړه شوې ده.
خو نسیمه چې د ناطبیعي زېږون تجربه لري وايي، د طبیعي زېږون په پرتله د ناطبیعي هغه سختي کمه ده. په کابل کې د نسايي-ولادي څانګې ډاکټره لطیفه زاهد وايي، اوس د پخوا په پرتله د ناطبیعي زېږون کچه لوړه شوې ده.
ا.ا د ملګرو ملتونو د بشري حقونو شورا د ۵۷مې غونډې پر مهال په افغانستان کې د بشري حقونو، په تېره د ښځو د وضعیت په اړه د اندېښنو له څرګندولو وروسته دا غونډه او پهکې د افغانستان په اړه وړاندې شوي راپورونه یواړخیز بولي.
د ا.ا د ویاند مرستیال حمدالله فطرت وايي، په یاده ناسته کې یادې شوې شوې اندېښنې د سرپرست حکومت لپاره د منلو وړ نهدي.
