د اسراییلو لومړي وزیر بنیامین نتنیاهو ویلي چې ایران پر دغه هېواد د برید له امله لویه تېروتنه کړې ده. رویټرز خبري اژانس راپور ورکړی چې نتنیاهو دا موضوع د ایران له برید وروسته په یوه بیړنۍ غونډه کې کړې او ټینګار یې کړی چې ایران به پر اسراییلو د برید بیه پرې کړي.
د سلاموطندار پښتو فېسبوکپاڼه وڅارئ
د اسراییلو پوځ هم ویلي چې پر هېواد یې د ایران توغندیز بریدونه بېځوابه نه پرېږدي.
د اسراییلو د پوځ ویاند ډانیل هاګاري پر خپل اېکس یوه خپره کړې ویډیو کې ویلي: «اسراییل خپل هوايي دفاعي سېسټم د ایران د بریدونو پر وړاندې فعال کړ او ډېری توغندي زموږ او د امریکا متحده ایالاتو په مشري د دفاعي اېتلال فه لوري شنډ شول.»
د ایران سپاه پاسدارانو بېګاه د اسراییلو د لسګونو توغندیو په توغولو سره د اسراییلو نظامي او امنیتي مرکزونه په نښه کړل.
تر اوسه د دغو بریدونو له کبله د اوښتې مرګژوبلې او دا چې پر کومو ځایونو لګېدلي، کره معلومات نشته، خو پر ټولنیزو رسنیو ځینې خپرې شوې ویډیوګانې ښيي چې د ایران ځینې توغندي پر عامه بنسټونو لګېدلي دي.
