د هرات د اطلاعاتو او فرهنګ ریاست مسوولان وایي چې پرون جمعه وري ۲۱مه، د ناپېژنده وسلهوالو په برید کې د شهید شویو کسانو شمېر ۱۱ ته لوړ شوی دی.
د یاد ولایت د اطلاعاتو او فرهنګ رییس احمدالله متقي ویلي چې اووه هغه ټپیان چې روغتیايي وضعیت یې ډېر نازک وو، د هرات په حوزوي روغتون کې د درملنې پرمهال ساه ورکړې ده.
د نوموړي په وینا، اوس هم د دې پېښې اته نور ټپیان په روغتون کې تر درملنې لاندې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د معلوماتو له مخې، دا پېښه پرون شاوخوا درې بجې د انجیل ولسوالي اړوند د «ده مهري» کلي کې هغه مهال رامنځته شوې چې نامعلومو وسلهوالو پر هغو کورنیو برید وکړ چې د تفریح لپاره سیمې ته تللې وې.
تر اوسه د برید د انګېزې او د بریدګرو د هویت په اړه نور جزییات نه دي ورکړل شوي.