د تحریر شام پلاوي مشر ابومحمد الجولاني ویلي چې اسراییل په ښکاره ډول د سوریې له پولو ور تېر شوي او دغه کار یې په سیمه کې نورو نښتو ته لاره هواره وي.
د سلاموطندار پښتو فېسبوکپاڼه وڅارئ
نړیوالو رسنیو راپور ورکړی چې الجولاني دا خبره پرون کړې او زیاته کړې یې ده چې پر سوریې د اسراییلو د برید لپاره وړاندې شوي دلایل هم د توجیه وړ نهدي. نوموړي زیاته کړې: «اسراییلو پلان درلود چې د ایران د حضور په پلمه سوریې ته دننه شي، خو اوس دا پلمه پای ته رسېدلې ده.»
د تحریر شام پلاوي مشر ټینګار کړی چې د سوریې ښکېل اړخونه له جګړې ستړي دي او په دغه هېواد کې یوې بلې نښتې ته اجازه نه ورکوي.
دا په داسې حال کې ده چې اسراییلو د بشارالاسد حکومت له پرځېدو وروسته د سوریې پر بېلابېلو نظامي مرکزونو ګڼشمېر بریدونه کړي او د راپورونو له مخې، د دغه هېواد نظامي تجهیزات او د هوايي دفاع سېسټمونه یې له منځه وړي دي.
د ملګرو ملتونو سرمنشي انټونیو ګوټرېش هم پرون د سوریې د حاکمیت او ارضي تمامیت نقض د اندېښنې وړ وباله.
