د ریاستالوزرا اداري مرستیال عبدالسلام حنفي وايي چې افغانان دې هېواد کې پر روان وضعیت شکر وباسي.
نوموړي نن پنجشنبه د تلې ۱۳مه کابل کې د پولیسو اکاډمۍ څخه د محصلانو د څوارلسمې دورې په فراغتغونډه کې د وینا پر مهال وویل چې هېواد کې امنیت ټينګ دی او خلک دې شکر وباسي.
د ریاستالوزرا اداري مرستیال خپلو خبرو کې وویل چې هېواد کې د ټولو حقونه برابر او تامین شوي او په وینا یې، «څوک پر چا ظلم نشي کولای.»
هغه همداراز زیاته کړه چې هېواد کې د امنيت ټینګښت، د جرمونو مخنیوي او قانون پلې کولو لپاره اړتیا ده چې پولیسو په مسلکي توګه وروزل شي. د نوموړي په وینا، د پولیسو مسلکي روزنه د اسلامي امارت له لومړیتوبونو څخه ده.
سلاموطندار پر ټویټر هم وڅارئ
نن کابل کې د پولیسو اکاډمۍ څخه د محصلانو څوارلسمې دوره کې لسګونه زدهکړیالانو د خپل فراغت سندونه ترلاسه کړل.