د غزني د امنیې قومانداني ویاند خالد سرحدي سلاموطندار ته ویلي چې یوه پنځوس کلن سړي په دغه ولایت کې ځان وژلی دی.
د سلاموطندار پښتو فېسبوکپاڼه وڅارئ
د نوموړي په وینا، دا پېښه نن سهار وختي د غزني په اجرستان ولسوالي کې شوې ده.
د دغه کس خپلوان وايي چې هغه پر اروايي ناروغیو اخته و.
دا داسې مهال ده چې تر دې مخکې هم په غزني او یوشمېر نورو ولایتونو کې د اروايي ستونزو، اقتصادي ستونزو، وزګارتیا او کورنیو ستونزو له کبله یوشمېر کسانو ځانونه وژلي دي.
