د ایران د پارلمان مشر محمدباقر قالیباف د لبنان د پارلمان نبیه بري سره خبرو کې ټینګار کړی، که پر لبنان بریدونه دوام ومومي، نه یوازې به امریکا سره د خبرو بهیر ودروي، بلکې د اسراییل پر وړاندې به هم ودرېږي.
د راپورونو له مخې، قالیباف چې د ایران د مذاکره کوونکي پلاوي مشري هم پر غاړه لري، ویلي چې حزبالله نن هم له خپلې خاورې او هم له اسلامي امت څخه دفاع کوي.
د ده په وینا، د ایران او لبنان اړیکې نه بېلېدونکې دي.
هغه زیاته کړه، که د ایران او امریکا ترمنځ د جګړې پایته رسولو لپاره کومه هوکړه وشي، نو دا به د ټولو جبهاتو، په ځانګړي ډول لبنان کې د بریدونو درېدلو ته هم وغځېږي.
قالیباف د لبنان وروستیو پرمختګونو ته په اشارې وویل، تېرو دوو ورځو کې یې د اسرائیلو د بریدونو د بندېدو موضوع په جدي توګه تعقیب کړې ده.
هغه ټینګار وکړ چې ایران هوډ لري څو په ټول لبنان، په ځانګړې توګه د دغه هېواد په سوېل کې اوربند ټینګ شي.
بل لور ته، نبیه بري هم د ایران له هڅو مننه کړې او ویلي، هېواد به یې هېڅکله په دې حساسو شرایطو کې د ایران مثبت دریځونه هېر نه کړي.