د افغانستان کرکټ ملي لوبډلې ویسټانډیز سره د دریو شل اوریزو لوبو دویمه لوبه کې د ٣٩ منډو په توپیر بریا خپله کړه.
دغه لوبه تېره شپه په ٧ بجو د متحده عربي اماراتو دوبۍ کرکټ لوبغالي کې پیل او افغان لوبډلې د ۴ لوبغاړو په زیان ١٨٩ منډې وکړې.
سیالې لوبډلې ونه شو کولی ١٩٠ هدف پوره او ټوله لوبډله یې د ۱۵۰ منډو په جوړولو وسوځېده.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
افغانستان د دغې لوبې په ګټلو سره لوبلړۍ هم په خپل نوم کړه.
د تېرې شپې لوبه کې مجیب ځدراڼ هټریک وکړ او د سیالې لوبډلې څلور لوبغاړي یې وسوځول.
افغانستان لومړۍ لوبه هم د ٣٨ منډو په توپیر ګټلې وه. د دواړو لوبډلو ترمنځ درېیمه لوبه به سبا د پنجشنبې په ورځ ترسره شي.