د پنجاب وزیراعلی مریم نواز وايي چې د نوموړې حکومت د صوبې د زیربنا د معیاري کولو لپاره نه ستړېکېدونګې هلې ځلې کوي او موخه یې دا ده چې پنجاب د جاپان په څېر پرمختللې کچه ته ورسوي.
نوموړې د جاپان په پلازمېنه توکیو کې له پاکستاني ټولنې سره د لیدنې پرمهال څرګنده کړه چې د پنجاب په بېلابېلو دولتي ادارو کې لاهم د پام وړ پرمختګونه شوي دي.
نوموړې زیاته کړه چې پنجاب کې په ځانګړې توګه د روغتیا او پاکوالي په برخو کې ډېر کار شوی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغې وویل چې د پنجاب د روغتیايي خدماتو په برخه کې د اصلاحاتو او نویو زیربنا له کبله اوس د پاکستان له نورو صوبو څخه خلک د درملنې لپاره پنجاب ته ورځي. د هغې په وینا، دا پرمختګ د دې ښکارندوي کوي چې د حکومت هڅې سم لوري ته روانې دي.
مریم نواز چې دامهال د جاپان په پنځه ورځني سفر وتلې، همداراز وویل، د دې سفر موخه یې، د جاپان د پرمختللي ماډل څخه زدهکړه او د هغې تجربې پنجاب ته لېږدول دي.
هغې ټینګار وکړ چې د خلکو د ژوند د اسانتیا لپاره به د زیربنا د پرمختګ پروژې په دوامداره ډول پرمخ یوړل شي.