د امریکا میلیاردر او د اېکس شبکې او ټسلا کمپنۍ مشر ایلان ماسک ویلي چې د ولسمشر ډونالډ ټرمپ له حکومت سره یې رسمي دنده پایته رسېدلې.
هغه نن (پنجشنه، جوزا ۸مه) پر اېکساڼه ليکلي: «لکه څنګه چې زما ټاکل شوی وخت د ځانګړي دولتي کارکوونکي په توګه پایته رسېږي، غواړم له ولسمشر ډونالډ ټرمپ څخه مننه وکړم چې ما ته یې د حکومت په چوکاټ کې د بېځایه لګښتونو د مخنيوي په برخه کې فرصت راکړ.»
ماسک د څو میاشتو لپاره د فدرالي حکومت د لګښتونو د کمولو یوې ځانګړې پروژې مشري کوله.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه د ټاکنیزو سیالیو پرمهال په ډونالډ ټرمپ له وسلهوال برید وروسته د ده له ټاکنیزې ډلې سره یو ځای شو.
د امریکا ټاکنو کې د ټرمپ په بریا او سپینې ماڼۍ ته په ستنېدو سره، ایلان ماسک د فدرالي حکومت د لګښتونو کمولو ادارې مشر په توګه وټاکل شو.
د هغه تر مدیریت لاندې د دولت لګښتونو کمولو ادارې په فعالیت سره، زرګونه امریکايي کارکوونکو خپلې دندې له لاسه ورکړې او د سترو امریکايي بنسټونو فعالیتونه رالنډ یا هم وځنډول شول.
