د اطلاعاتو او فرهنګ وزارت د ځوانانو معین محمد یونیس راشد وايي، ځوانانو ته کاري فرصتونه برابرول د دوی لومړیتوب دی.
نوموړي دغه څرګندونې د میدانوردګ د اطلاعاتو او فرهنګ ریاست له لوري د «روښانه راتلوونکې لپاره فرصتونه برابرول» په نوم جوړې شوې غونډه کې کړې دي.
د سلاموطندار پښتو فېسبوکپاڼه وڅارئ
نوموړي زیاته کړه، په پام کې ده چې د هېواد په مرکز او ولایتونو کې ځوانانو ته د حریفوي زدهکړو برخه کې پراخ پروګرامونه پيل کړي.
ده وویل، د ځوانانو لپاره د فري لانس برنامې له لارې سلګونه ځوانانو ته د کار زمينه برابره شوې او پلان مو دادی چې د میدان وردګ ولايت ځوانانو ته هم یاده پروګرام پيل کړي.
همدارنګه د میدانوردګ والي قاري بختیار معاذ وویل، وروسته له څو لسیزو په افغانستان کې سراسرې امن راغلی او هیوادوالو ته پکار ده چې د دغه ثبات ساتنه او ملاتړ وکړي.
معاذ زیاته کړه، هڅه کوي چې په ټول توان سره ځوانانو ته د کار او زده کړو زمینه برابره کړي.
د میدانوردګ ځوانانو هم د وزګارتیا، ګډوالۍ، روغتیا او کمزوي اقتصاد په اړه شته ستونزې شریکې کړې او له اطلاعاتو او کلتور وزارت څخه یې وغوښتل چې ځوانانو ته په کور دننه کاري فرصتونه برابر کړي.