بدخشان کې سرچینې وايي چې د دغه ولایت په کوهستان ولسوالي کې یوه کس خپله مخکینۍ مېرمن او خواښې وژلي دي.
سرچینې زیاته کړې چې پېښه بېګاه شپه ۱۰ بجې د کوهستان ولسوالي په «وخنده» کلي کې رامنځته شوې ده.
د سرچینې په وینا، یاد کس څه موده وړاندې خپله مېرمن طلاق کړې وه او بېګاه شپه د خپلې طلاق شوې مېرمنې د ورور د وژنې لپاره د نوموړي کور ته ورغلي و، خو هغه په کور کې نه و او خپله طلاق شوې مېرمن او خواښې یې وژلي دي.
قاتل له سیمې څخه په تېښته بریالی شوی دی. د بدخشان محلي مسوولانو تراوسه په دې اړه څه نه دي ویلي.
