د غزني د اطلاعاتو او فرهنګ رییس حمیدالله نثار سلاموطندار ته وویل، تېر ۱۴۰۳ لمریز کال کې د زرګونه کورنیو سیلانیانو ترڅنګ، ۴۰۰ بهرنیو سیلانیانو د غزني له تاریخي سیمو لیدنه کړې ده.
هغه وویل، زیاتره بهرني سیلانیان له اروپايي، اسیايي او امریکايي هېوادونو څخه دي چې دغه موده کې یې د غزني له بېلابېلو سیمو لیدنه کړې.
دغه شمېرې د ۱۴۰۲ کال په پرتله غزني کې د بهرنیو سیلانیانو په شمېر کې ۲۰ سلنه زیاتوالی ښیي.
غزني د هېواد له لرغونو ولایتونو شمېرل کیږي چې زوړ ښار، بالاحصار او د غزنویانو دورې منارونه د دغه ولایت له مهمو تاریخي ځایونو څخه دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د یادونې وړ ده چې په دې وروستیو کې د هېواد بېلابېلو تاریخي سیمو او طبیعي ښکلاو څخه د لیدنې په موخه افغانستان ته د بهرنیو سیلانیانو راتګ زیات شوی دی.
تر دې وړاندې د اطلاعاتو او فرهنګ وزارت مسوولانو ویلي وو، هېواد کې سیلانیانو ته د اسانتیاوو برابرولو په موخه، په سیاحتي سیمو کې د معیاري هوټلونو د جوړولو چارې روانې دي.
