د کار او ټولنیزو چارو وزارت نن یکشنبه د کب ۲۰مه د روان کال روژې میاشت کې د دولتي ادارو د کار مهالوېش اعلان کړ.
دغه وزارت په یوه خپور کړي مکتوب کې ویلي چې د روژې میاشتې پر مهال به په دولتي ادارو کې کار پر ۹ بجو پیل او له کومې دمې پرته به د ماسپښین تر دوو بجو دوام کوي.
چارواکي وايي چې د غزې په شمال کې د خوارځواکۍ له امله د مړو شویو کسانو شمېر ۲۵ ته رسېدلی دی. دې سیمه کې تازه یوه ځوانه مېرمن او ماشومان د خوارځواکۍ له امله مړه شوي دي.
غزه کې د اسراییلو له لوري د جګړې او د یاد ښار د کلابندۍ له امله د بشري مرستو لېږد له خنډ او ځنډ سره مخ شوی او مرستې د هوا له لارې د فراشوټونو پرمټ غزې ته لېږدول کېږي.
د کار او ټولنیزو چارو وزارت ۵۰۹ روږدو ته چې دامهال تر درملنې لاندې دي او د حرفې په برخه کې یې زدهکړې کړي، د فراغت سندونه ووېشل.
د دغه وزارت مسوولانو نن یکشنبه د کب ۲مه کابل کې د یوې غونډې پرمهال وویل، د افغانستان په کچه د دغه وزارت ۵۲ حرفوي او فني مرکزونو کې، نږدې ۲۰زره روږدي د حرفوي زدهکړو په ترلاسه کولو بوخت دي.
مایکروسافټ کمپنۍ وايي، یوشمېر هکران چې د روسې بهرنۍ اطلاعاتي ادارې پورې تړلي، هڅه کوي چې د دوی سېسټم ته ننوځي.
مایکروسافت شرکت نړۍ کې د سافټوېرونو د جوړولو تر ټولو ستر شرکت دی چې د امریکا حکومت ته ډیجیټل او د زېربناوو خدمتونه وړاندې کوي.
اندونیزیا کې چارواکي وايي چې د دغه هېواد په سوماترا ټاپو کې د سېلابونو او ځمکې ښوویېدنې له امله لږ تر لږه ۱۹ کسان مړه شوي او اووه نور لادرکه دي.
کابل ښاروالي د نوي کال په رانږدې کېدو او د پلازمېنې زرغونتیا په موخه د نیالګیو کېنولو کمپاین پیل کړ.
د نیالګیو کېنولو دغه کمپاین «شنبه، کب ۱۹مه» د کابل وزیر محمداکبر خان تپه کې د ښاروالي او سرپرست حکومت د یوشمېر چارواکو له لوري پیل شو چې دې کمپاین کې به شاوخوا دوه میلیونه نیالګي کېنول شي.
په خوست کې د لومړي ځل لپاره د پنځو هېوادونو د لوبغاړو په ګډون د «ازادې مبارزې سيالي» وشوې.
مسوولان وايي چې يادې لوبې د «اوايفسي» سازمان په چوکاټ کې شوي چې سياليو کې د اتو بهرنیو لوبغاړو سربېره، د هېواد له اوو ولايتونو څخه ۱۸ لوبغاړو هم پهکې ګډون درلود.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
