عبدالجبار چې شاوخوا ۱۵ ورځې وړاندې له پاکستان څخه په زوره را ایستل شوی او هېواد ته له خپلې کورنۍ سره راغلی وايي، د اوسېدو ځای نه لري او په سړه هوا کې له خپلو ماشومانو سره په خیمه کې ژوند کوي.
د بهرنیو چارو سرپرست امیرخان متقي کابل کې د روسیې سفیر ډیمیتري ژیرنوف سره لیدلي او پر یو لړ موضوعاتو یې ورسره خبرې کړې دي.
د بهرنیو چارو وزارت د ویاند مرستیال احمدضیا تکل رسنیو ته په لېږلي یوه غږیز پیغام کې ویلي چې د افغانستان او روسیې ترمنځ د سیاسي او اقتصادي اړیکو پیاوړتیا د یادې لیدنې د بحث وړ مهمه موضوع وه.
د بهرنیو چارو وزارت کې یوې سرچینې د نوم نه ښودلو په شرط سلاموطندار ته ویلي چې د سرپرست حکومت د ویاند مرستیال بلال کریمي چین کې د افغانستان د نوي سفیر په توګه ټاکل شوی دی.
سرچینې په دې اړه د نورو جزییاتو له ورکولو دډه کړې. چین تراوسه د افغانستان سرپرست حکومت په رسمیت نهدی پېژندلی، خو نږدې اړیکې ورسره لري.
د هلمند مرکز لښکرګاه ښار په دوو جلا سیمو کې د «بُست صنعتي ښارګوټي او دو راهي ملي پارک» په نومونو د صنعتي ښارګوټو د جوړېدو چارې پیل شوې.
د صنعت او سوداګرۍ وزارت سرپرست نورالدین عزیزي د یادو صنعتي ښارګوټو د جوړېدو چارو د پرانېستې پر مهال وویل چې دغه صنعتي ښارګوټي به له نړیوالو معیارونو سره سم جوړ شي.
د ګوزوو پلازمېنې پریشتېنا د وحشي ژویو د ساتنې او پالنې یوه مرکز کې د کال لومړۍ واورې پر مهال یاد مرکز کې ساتل کېدونکي زمري او خوګانو له واورې خوندي واخیست او لوبې یې وکړې.
د عامې روغتیا وزارت مسوولان وايي چې د تېر یونیم کال پر مهال د دغه ولایت په بېلابېلو سیمو کې یې څه باندې ۱۰۰ روغتیايي مرکزونه جوړ کړې دي.
د عامې روغتیا وزارت سرپرست ډاکټر قلندر عباد دغه څرګندونې هلمند ته د سفر پر مهال کړې دي.
د هرات محلي مسوولان وايي چې ترکیې د دغه هېواد زلزلهځپلیو او له پاکستان څخه په زرو ایستل شویو کورنیو سره د ۵۰۰ ټُنه په اندازه د خوراکي او غیرخوراکي توکو مرسته کړې ده.
د هرات د اطلاعات او فرهنګ رییس احمدالله متقي سلاموطندار ته ویلي چې په رالېږل شویو مرستو کې خوراکي توکي، البسه، درمل، طبي وسایل، کمپلې او خېمې شاملې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
