د افغانستان د خوړو او درملو ملي ادارې سرپرست وايي چې یوشمېر اروپايي او اسیايي هېوادونو ته یې سفر له لاسته راوړنو ډک و.
عبدالباري عمر نن دوشنبه د لړم ۲۹مه کابل کې د یوې خبري ناستې پر مهال یادو هېوادونو ته د خپل سفر په اړه خبریالانو ته معلومات ورکړل.
د نومبر ۲۰مه د ماشومان له نړیوالې ورځې سره برابره ده. دغه ورځ هر کال د ماشومانو د حقونو، ورکړې، خوندیتوب روغتیا او خوشحالۍ په پار نمانځل کېږي.
د ډیورنډ کرښې ته څېرمه چمن کې لاریون کوونکو د چمن-سپینبولدک لاره د هر ډول تګراتګ پر مخ تړلې.
پر دې لاره یوازې له پاکستانه د راستنېدونکو افغان کډوال موټرو ته اجازه ورکول کېږي او د سوداګرۍ، ټرانزیټ او ټرانسپورټي موټرو پر مخ تړل شوې.
د خوندیتوب کمېټه وايي چې پر غزې د اسراییلو بریدونو راهیسې تراوسه ۴۸ خبریالان او د رسنیو کارکوونکي وژل شوي دي.
د اکتوبر پر اوومه حماس ډلې پر اسراییلو ناڅاپي برید وکړ چې له هغه وخت راهیسې اسراییلو پر غزې پراخ بریدونه پیل کړې دي.
د کابل یوشمېر اوسېدونکي وايي چې دې ورځو کې یې د برښنا پرچاوۍ ډېروالي له امله کاروبارونه په ټپه ولاړ دي.
د دوی په وینا، ډېری وخت یې د کار پر مهال برښنا نهوي چې له کبله یې زیانمن شوي او حکومت باید د برښنا پرچاوۍ غم وکړي. د کابل ښار د «شهرنو» سیمې اوسېدونکی زینلله هم د برښنا پرچاوۍ له ډېروالي شکایت کوي.
د میدانوردګ د عامې روغتیا ریاست مسوولان وایي چې تازه د عامې روغتیا وزارت له لوري د دغه ولایت په لروپرتو څلور ولسوالیو کې د ناروغانو پر مخ څلور روغتیايي مرکزونه پرانېستل کېږي.
کندهار کې د وچې مېوې ټولنې مسوولان وايي چې د تېر کال په پرتله سږکال له دغه ولایت څخه له هېواده بهر د وچې مېوې په صادراتو کې ۳۰سلنه زیاتوالی راغلی دی.
د وچې مېوې ټولنې مشر عبدالاحد سلاموطندار ته ویلي چې د مېوو ډېره برخه هند، پاکستان، قزاقستان، امارات، کاناډا، جرمني، امریکا، جاپان او انګلستان ته لېږدول شوې دي.
د زابل د میزان ولسوالي مرکک سیمه چې پخوا په بېلابېلو مېوهلرونکو ونو زرغونه وه، اوس د وچکالي له امله د یادو باغونو یوازې وچ بوټي پاتې دي.
د یادې سیمې اوسېدونکي د وچکالي پراخې څپې له کبله اړ شوي چې د زابل نورو سیمو ته وکوچېږي.
د هرات محلي مسوولان وايي چې د دغه ولایت د رباط سنګي ولسوالي په درېوو کلیو کې په ۴۰۰ میلیونه افغانیو د ۷۳۰ کورونو د جوړېدو چارې پیل شوې.
د هستوګنې دغه کورونه د هرات زلزلهځپلیو ته جوړېږي چې رغنیزې چارې یې یکشنبه د لړم ۲۸مه پیل شوې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
