د پاکستان د کورنيو چارو لنډمهالي وزير سرفرازاحمد بګټي د سهشنبې په ورځ یوه خبري کنفرانس کې یو ځل بیا پر افغانانو تور پورې کړی چې د دغه هېواد په ناوړه امنیتي وضعیت کې لاس لري. هغه ادعا کړې چې د روان زېږدیز کال له جنوري مياشتې راهیسې په دغه هېواد کې ۲۴ ځانمرګي بريدونه شوي چې په ۱۴ هغو کې یې د افغانستان وګړو لاس درلود.
د امریکا د ملي امنیت شورا ویاند جان کربي د دوشنبې په ورځ په واشنګټن کې د یوې خبري غونډې پر مهال وویل چې له ا.ا سره د دغه هېواد د اړیکو عادي کېدل او په رسمیت پیژندل ګران کار دی او په وینا یې، ا.ا باید پر خپلو ژمنو ودرېږي. جان کربي وايي، امریکا هڅه کوي چې ا.ا د خپلو ژمنو عملي کولو ته اړ کړي.
هالنډ کې د افغانستان سفارت په یوې خپره کړې خبرپاڼه کې ویلي چې دغه هېواد کې د افغانانو ستونزو هوارولو او د قونسلي خدمتونو وړاندې کولو په موخه د بهرنیو چارو وزارت سره تعامل کوي.
ننګرهار کې کروندګر وايي چې سږ کال یې پر خپلو ځمکو هم مُمپلي کرلي او تمه لري چې ډېر حاصل به ترې ترلاسه کړي.
دغو کروندګرو سلاموطندار ته وویل چې سږکال د یاد ولایت یوولس ولسوالیو کې پر ۲۱۱ هکټاره کرنیزه ځمکه مُمپلي کرل شوي چې د پام وړ حاصل ترلاسه کولو لپاره یې کروندګر هیلهمند دي.
د پکتیکا محلي مسوولان وايي چې د دغه ولایت په دوو ولسوالیو کې د ۱۱۴ میلیونه افغانیو په ارزښت د لسګونه پراختیايي پروژو چارې پیل شوې دي.
افغان ابدالیان کرېکټ لوبډلې د چین د «هانګژو» د اسیايي سیالیو په لړ کې نن له یوې په زړه پورې لوبې وروسته سریلانکا ته ماته ورکړه.
د هلمند محلي مسوولان وايي چې د دغه ولایت په بېلابېلو سیمو او لویو لارو کې یې د سوداګرو او خیریه بنسټونو په مرسته ۱۳ جوماتونه جوړ او ګټېاخیستنې ته سپارلې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
