د ایران نوي سفیر یو ځل بیا له امیرخان متقي سره لیدلي

د بهرنیو چارو وزارت د ویاند مرستیال ضیااحمد تکل پنج‌شنبه د سلواغې شپږمه پر خپله ټوېټرپاڼه لیکلي، د افغانستان لپاره د ایران ځانګړي استازي او سفیر حسن‌کاظمي قمي له امیرخان متقي سره لیدلي دي.

دغه لیدنه چې پرون شوې د ایران له ځانګړي استازي سربېره، په‌کې د دغه هېواد د سفارت مرستیال او د څلور کونسلګریو مسوولانو ګډون درلود.

د هلمند اوسېدونکي: له جګړو پاتې ناچاودي ماینونه مو ژوند ګواښي

که څه هم هېواد کې د جګړې تود ډګرونه ساړه شوي، خو له جګړې پاتې ناچاودې توکي او ماینونه لا هم د عامو افغانانو ژوند ګواښي.

د هلمند مرکز لښکرګاه ښار ختیځ کې «سرکار» سیمه چې د تېرو شلو کلونو پر مهال په‌کې سخته جګړه روانه وه، اوس یې اوسېدونکي وايي چې له جګړو پاتیو ناچاودو ماینونو یې ژوند سخت کړی دی.

اسلامي امارت فلسطین کې د اسراییلو برید غندلی

د بهرنیو چارو وزارت د فلسطین پر جنین ښار د اسراییلي ځواکونو برید په کلکو ټکو غندلی دی. په دغه برید کې نهه فلسطینیان وژل شوي دي.

د بهرنیو چارو وزارت نن جمعه د سلواغې اوومه په یوې خبرپاڼه کې یاد برید غندلی او هغه یې وحشیانه عمل بللی دی.