پرون سهار یوې زورورې زلزلې د هېواد سوېل ختیځ ولایتونه ولړزول چې له امله یې له ۱۰۰۰ ډېر کسان مړه او ۱۵۰۰ نور ټپیان شوې دي. په دې زلزله کې سلګونه کورونه ویجاړ شوي او خلکو ته درانه مالي زیانونه اوښتي دي.
سرپل کې سرچینې سلاموطندار ته وايي چې نن غرمه د دغه ولایت د سانچارک او بلخاب ولسوالیو ترمنځ «قُمکوتل» سیمه کې د اسلامي امارت د هزاره قومندان مهدي مجاهد پورې تړلو کسانو او د اسلامي امارت د ځواکونو ترمنځ نښته شوې ده.
د جیولوژي برخې یوشمېر کارپوهان وايي، پکتیکا او خوست ولایتونو کې د وروستۍ مرګونې زلزلې د شدت او په لوړه کچه د سر او مال زیان اوښتو اصلي لاملونه د سختو جګړو او تر ځمکې لاندې د کمربندونو او پلېټونو زیانمنېدل دي.
د اقتصادي چارو کارپوهان په دې باور دي چې افغانستان یو کرنیز هېواد دی او اقتصاد یې هم کرنې پورې تړلی چې د طبیعي پېښو رامنځته کېدل به د هېواد اقتصاد ته نه جبرانېدونکي زیانونه واړوي.
هېواد کې د وزګارتیا او بېوزلۍ د پراخېدو په لړ کې د هلمند درېوو اوسېدونکو په یوه کمسارې اقدام کې د سرپرست حکومت مسوولانو ته د دغه ولایت د وزګاره ځوانانو د غږ رسولو په موخه له هلمند څخه کابل ته پلی مزل پیل کړی دی.
په بامیان کې محلي سرچینو سلاموطندار ته ویلي، ۲۴کلنه رُقیه چې نږدې یوه میاشت وړاندې لادرکه شوې وه، جسد یې پرون د دغه ولایت د مرکز اړوند شهیدانو کلي په یوې څاه کې موندل شوی دی.
د باختر اژانس د کونړ محلي مسوولانو له خولې راپور ورکړی چې د څوکۍ ولسوالۍ «دیوګل دره» کې د درنې واورې ورېدو له امله د یوې کورنۍ ۱۲ ماشومان مړه شوي او سلګونه څاروي له منځه تللې دي.
د ا.ا ویاند ذبېحالله مجاهد ویلي چې پاکستان، ایران او قطر هېوادونو پکتیکا کې زلزله ځپلو سره مرستې کړي او د مرستو دغه چوپې پکتیکا ولایت ته رسېدلې دي.
نوموړي پر خپله ټوېټرپاڼه لیکلي چې له خوراکي او نورو توکو بار ۸ عراده موټره د پاکستان له لارې پکتیکا ته لېږدول شوې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
