اسلامی امارت سوزلاوچیسی ذبیحالله مجاهد، اوز تویییتریده بلخلیک کیچیک یاشلی عبدالرووف آدم اوغریلر قولیدن آزاد ایتیلیشی خصوصیده معلومات بیرگن.
مجاهد نینگ یازیشیچه، اسلامی امارت کوچلری تخمیناً ۲۰ کوندن بویان بلخ مرکزی مزارشریف شهریده عبدالرووف نینگ قوتقریش مقصدیده عملیات یولگه قوییگندی که بری_بیر قطار آدم اوغریلر هلاک و قولگه آلینیشی بیلن عبدالرووف قوتقریلگن.
بیزلرنینگ فیسبوک صحیفهمیزگه باش اورینگ!
اسلامی امارت سوزلاوچیسی نینگ ایتیشیچه، مجرملرنی قولگه آلیش عملیات دوام ایتماقده، عملیات یکونلنیشی بیلن اوشبو حادثه عامللری اسلامی شریعت اساسیده جزالنتیریلهدی.
بلخلیک کیچیک یاشلی عبدالرووف، قریب ایکی ییلدن کیین آدم اوغریلر قولیدن آزاد ایتیلدی. او اوتگن کونی مزارشریف شهریده اوتکزیلگن ییغینده اسلامی امارت باش وزیری نینگ ایکینچی اورین باسری عبدالسلام حنفی تامانیدن عایلهسیگه تاپشیریلدی.
بیزلرنینگ توییترده هم تعقیب قیلینگ!
عبدالرووف ۱۳۹۹-ییل عقرب آییده مکتب یولیدن اوغیرلنگن ایدی. آدم اوغریلر اونینگ قوییب یوباریش اورنیده عایلهسیدن بیر میلیون دالر سورهگندیلر. اوشبو مدت ایچیده آدم اوغریلر تامانیدن، عبدالرووف نینگ عذاب بیریش ویدیولر عایلهسی گه یوباریلدی.
سابق دولت اونینگ آدم اوغریلر قولیدن آزاد ایتیش مقصدیده نیچه مرته عملیات اوتکزدی؛ لیکن بو عملیاتلر نتیجه بیرمهدی.