اسلامی امارت مدافعه وزیرلیگی نینگ سرپرستی محمدیعقوب مجاهد، بوگون (جمعه، ۲۸ اسد) افغانستان مستقل‌لیگی نینگ ۱۰۳_ییل‌لیگی مناسبتی بیلن اوتکزیلگن مراسمده ایتیشیچه، اسلام قدریت‌لری گه ضد هیچ کیم نینگ بویروغ‌لرینی قبول قیلیشمه‌یدی.
یعقوب مجاهد نینگ کوپه‌یتیریشیچه: «حیات ده مستقل‌لیک و ایرکین‌لیک اینگ نیاز دیر و افغان‌لر تاریخ بویلب قُول‌لیک نی قبول قیلمسلیکلرینی اثباتله‌گنلر.»
مدافعه وزیرلیگی نینگ سرپرستی گه کوره، هر کیم بیلن تعامل قیلیش گه تیار دیر؛ بیراق اسلام قدریت‌لری و ملی منفعت گه ضد هیچ کیم نینگ بویروغ‌لرینی قبول قیلمه‌یدی.
بیزلرنینگ فیسبوک صحیفه‌میزگه باش اورینگ!
محمدیعقوب مجاهد نینگ ایتیشیچه، «دشمن بیزنی آره‌میزده تفرقه تشلب اوز هدف‌لری گه ایریشیش اوچون تلاش قیلماقده؛ لیکن بو هدف‌لری گه ایریشه آلمه‌یدی.»
اونینگ کوپه‌یتیریشیچه: «باسیم گه نقطه قوییش اوچون بیز ۲۰ ییل اوروشدیک، بونی قولی‌لیک بیلن قولدن بیرمه‌یمیز. سیاسی و اقتصادی قیینچلیک بار، بیراق بیز اسلام قدریت‌لری گه ضد هیچ کیم نینگ بویروغ‌لرینی قبول قیله آلمه‌یمیز، شخصی منفعت دن کوره ملی منفعت‌نی اوستون قرار بیریش کیره‌ک. باشقه‌لر نینگ قولی آستیده تیریکچیلیک قیلیشنی ایستمه‌یمیز.»
بیزلرنینگ توییترده هم تعقیب قیلینگ!
ایتیش کیره‌ک که، بوگون مملکت نینگ مستقل‌لیگی ۱۰۳_ییل‌لیگیدن اسلامی امارت رسمی‌لری نینگ حضوری بیلن مدافعه وزیرلیگیده نشانلندی. اوشبو کوندن مملکت نینگ باشقه ولایت‌لریده هم نشانلنه‌دی.
