افغانستان بوییچه بیرلشگن ملتلر تشکیلاتی نینگ خاص گزارشگری ریچارد بنیب، مملکت نینگ قطار ولایت‌لریده مسجد‌لر و مکتب‌لر گه اویوشتیریلگن سونگی ترورچیلیک هجوم‌لردن کیین ایتگن که، افغانستان یشاوچیلری نینگ انسانی حقوقی‌دن محافظه بولینیشی کیره‌ک.
اونینگ توییتر صحیفه‌سیده یازیشیچه، اوتگن هفته یوزبیرگن دهشت‌لی هجوم‌لر عاقبتیده، عزیز‌لری نی قولدن بیرگن بوتون افغان‌لر یانیده توخته‌گن دیر.
بیزلرنینگ توییترده هم تعقیب قیلینگ!
بیرلشگن ملتلر تشکیلاتی خاص گزارشگری نینگ کوپه‌یتیریشیچه، نظارت، تدقیقات و جواب‌گرلیککه دوام بیریشی ممکن. شونینگدیک او، خلق‌ارا عدالت نینگ تضمین قیلیش و زوروان‌لیک‌دن توسیق بولیش گه تاکید قیلگن.
شونده‌ی بیرحالده، ۳۰-حمل سه‌شنبه کونی ایرتنگ چاغی، کابل غربی کیین‌مه کیین اوچ پارتلش گه شاهد ایدی. بیرینچی پارتلش «ممتاز» بیلیم اویی‌ده و اوندن کیین ایکی پارتلش ایسه «عبدالرحیم شهید» مکتبی نینگ برابریده یوزبیرگن.
بیزلرنینگ فیسبوک صحیفه‌میزگه باش اورینگ!
کابل‌دن کیین بلخ و قندوز ولایت‌لری اولیملی پارتلش‌لر گه شاهد ایدیلر. مذکور ولایت‌لرده هجوم‌لر مسجد‌لر گه اویوشتریلدی که اوشبو هجوم‌لر نتیجه‌سیده، اونلر کیشی هلاک و یره‌لندی.
مذکور هجوم‌لر کوپینچه عکس‌العمل‌لر بیلن روپه‌رو بولدی. بولر گه علاوه، سونگی کون‌لرده ناتینچ‌لیکلر یشاوچیلر نینگ خواطرلنتیرگن و اولر اسلامی امارت حکومتی نینگ امنیت نی تامین قیله‌آلمه‌یشلری اوچون عیب‌لگنلر.
