انسان حقوقی نی کوزه‌تووچی تشکیلاتی، ۲۰۲۱-ییل‌ده افغانستانده انسانی حقوقی وضعیتی حقیده ییل‌لیک گزارشی نی ترقه‌تیش بیلن ایتیشیچه، آگست آییده اسلامی امارت قدرت گه ایریشگنیدن کیین، افغانستانده اوزون اوروش ییری نی انسان حقوقی و انسانی فاجعه گه بیرگن.
گزارش‌ده کیلگن که اوتمیش میلادی ییل‌ده، عیاللر و رسانه‌لر ۲۰۰۱-ییل‌دن کیین، قولگه کیلتیرگن بوتون یوتوق‌لری نی قولدن بیرگنلر. گزارش‌دن نقل قیلینیشیچه، بو مدت‌ده تهدید و زوروانلیک کوپه‌یب و افغانستان یشاوچیلری جدی ییمک ناتینچلیگی بیلن روپه‌رو بولگن.
مذکور گزارش‌ده انسان حقوقی کوزه‌توچی نینگ ایتیشیچه، ۱۵-آگست‌ده اسلامی امارت قدرت گه ایریشگنی بیلن، ۲۰۰۱-ییل‌دن کیین، اوشبو مملکت نینگ اونملی یوتوق‌لریدن بولگن افغانستان عیال‌لری نینگ برچه ترقیاتی آرتده تشله‌گن، قیز مکتب‌لری باغلنیب و عیاللر دولتی و باشقه قطار اداره‌لرده ایش قیلیش‌دن منع بولگنلر.
بیزلرنینگ فیسبوک صحیفه‌میزگه باش اورینگ!
شونینگدیک گزارش‌ده کیلیشیچه، سونگی ایکی دهه‌ده سوزایرکین‌لیگی و رسانه‌لرنینگ اونملی یوتوق‌لری، چیکلاو بیلن روپه‌رو بولگن. خبرچیلر قولگه آلینیب، زوروانلیککه قرار تاپیب و اولردن قطاری مملکت نی ترک قیلگن. شونینگدیک رسانه‌لردن قطاری ایسه باغلنگن.
انسان حقوقی نی کوزه‌توچی‌سی شونینگدیک ملی امنیت سابق ایشلاوچیلری نینگ قولگه آلینگنی و اولر برابریده بولگن تهدیدلر، سونگی آیلرده سابق حکومت رسمیلری یا-ده اولر نینگ عایله اعضالری نی خواطرلنتیرگن.
مذکور تشکیلات گزارش‌ده کوپه‌یتیریشیچه، افغانستانده اسلامی امارت قدرت گه ایریشگنی بیلن، قیین‌چیلیکلر بو مملکت نی بیر فاجعه گه اوزگرتیرگن و افغانستان یشاوچیلریدن میلیون‌لرچه‌سی درآمد قول گه کیلتیره‌آلمه‌گنلری، بازارلرده نقد پول نینگ کمه‌یگنی و ییگولیک ماده بهاسی کوپه‌یگنی باعث، جدی ییمک ناتینچلیگی بیلن روپه‌رو بولگنلر.
گزارش‌ده اورغولنگن که، افغانستان گه اسلامی امارت قدرت گه ایریشمه‌گنیدن آلدین، اسلامی امارت کوچلری و سابق حکومت کوچلری آره‌سیده‌گی اوزون اوروش‌لر، تینچ اهالی گه کویینچه زیان یتیشتیریب و شونینگدیک داعش گروهی نینگ مکتب‌لر و مسجد‌لر اوستیگه اویشتیرگن هجوم‌لر نتیجه‌سیده، یشاوچیلردن قطاری اولگن.
شونینگدیک بوندن آلدین، خلق‌ارا نهادلردن قطاری افغانستانده انسانی حقوقی وضعیتی حقیده خواطر بیلدیریب و اوشبو مملکت فاجعه‌سی نی، دنیا‌ده اینگ یمان فاجعه دیب بیلدیرگن.
شونده‌ی بیرحالده، ۲۰۲۰-ییل‌ده شونینگدیک آمریکا تشقی ایشلر وزیرلیگی بیر گزارش نشر قیلیب ایتگن که، افغانستانده انسانی حقوقی کینگ شکلده نقض ایتیلگن.
