بیرلشگن ملتلر تشکیلاتی نینگ خوفسیزلیک کینگشی اوتگن کونی بیر شرطنامه ترقه‌تیب طالبان گروهی دن عیاللر، باله‌لر و اقلیت‌لر حقوقلریگه حرمت قیلیشینی سوره‌گن.
شرطنامه‌ده ایتیلیشیچه، طالبان گروهی نینگ یشاوچی‌لرگه افغانستاندن تینچ شکلده چیقیش‌لری خصوصیده بیرگن تعهدی‌گه عمل قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
بیراق، طالبان سابق رسمی‌لریدن بیری سید اکبرآغا نینگ ایتیشیچه، بیرلشگن ملتلر تشکیلاتی نینگ خوفسیزلیک کینگشی تامانیدن صادر ایتیلگن شرطنامه افغانستان ایش‌لریگه دخالت قیلیش دیر و طالبان گروهی تامانیدن قبوللنمه‌یدی.
اونینگ ایتیشیچه، بیرلشگن ملتلر تشکیلاتی نینگ خوفسیزلیک کینگشی تامانیدن نشر ایتیلگن شرطنامه مصلحتی مقصد ده بولگن صورتده، طالبان گروهی‌نی اونگه عمل قیلیشی ممکن.
عین‌حالده، بیلیم یورت اوقیتووچیسی نصرالله استانکزی نینگ ایتیشیچه، یشاوچی‌لرنینگ تشقی مملکت‌لرگه سفر قیلیشی اولرنینگ قانونی و شرعی حق‌لریدن دیر. اونینگ ایتیشیچه، طالبان مقام‌لری قانونی اسنادی بولگن کیشی‌لرگه سفر قیلیش اوچون رخصت بیریلیشی‌نی بیلدیرگن.
جناب استانکزی گه کوره، عیاللر، باله‌لر و قومی اقلیت‌لرنینگ حقوقلرینی رعایت قیلیش خصوصیده طالبان گروهی مسوول دیر.
بیلیم یورت اوشبو اوقیتووچیسی نینگ تاکید قیلیشیچه، بیرلشگن ملتلر تشکیلاتی نینگ خوفسیزلیک کینگشی دنیا بوییچه قرار قیله‌دیگن مرجع دیر و اونینگ قرارینی عملگه آشیریلیشی کیره‌ک.
بیزلرنینگ فیسبوک صحیفه‌میزگه باش اورینگ!
بوگون “سه‌شنبه” طالبان سوزلاوچیسی ذبیح‌الله مجاهد نینگ کابل هوا قونالغه‌سیده میدیالر حضوریده ایتیشیچه، افغانستان یشاوچیلری پاسپورت و ویزه‌لری بولگن صورتده، تشقی مملکت‌لرگه سفر قیله آله‌دی.
