رویترز آژانسی اوز منبعلریدن نقل قیلیب گزارش بیرگن که، کابل ده القاعده رهبری ایمنالظواهری اولدیریلیشی بیلن، افغانستان مرکزی بانکی نینگ توسیلگن پوللرینی قیته آزاد قیلیش اوچون آمریکا اسلامی امارت رسمیلری بیلن سوزلشووگه دوام بیریشی ممکن.
آمریکالیک والاستریت ژورنال کوندهلیگی ۲۴ اسدده ترقهتگن گزارشیده، کابل ده القاعده رهبری اولدیریلیشیدن کیین، آمریکا جمهور رئیسی جوبایدن افغانستان نینگ آمریکاده توسیلگن پوللری آزاد بولمسلیگی اوچون قرار آلگنیدن خبر بیرگن.
بیزلرنینگ فیسبوک صحیفهمیزگه باش اورینگ!
والاستریت ژورنال نینگ یازیشیچه، آمریکا بو توغریده اسلامی امارت بیلن مذاکرهلرنی توختهتگن. اوشبو کوندهلیک نینگ گزارشیده کیلیشیچه، اسلامی امارت حاکمیتیده کابل ده القاعده رهبری نینگ حضوری، افغانستانده تروریسیم قیته تیکلهنیشی خصوصیده غربی مملکتلر نینگ خواطرینی کوچهیتیرگن.
بیراق رویترز آژانسی بوگون (دوشنبه، ۳۱اسد) اوز منبعلریدن نقل قیلیب یازگن که، تشقی ایشلر وزیرلیکلری و آمریکا مالیه وزیرلیگی، اسلامی امارت رسمیلری بیلن مذاکرهلری گه دوام بیریشلری ممکن.
بوندن آلدین ترقهلگن گزارش گه کوره، آمریکا و اسلامی امارت رسمیلری، افغانستان مرکزی بانکی نینگ میلیاردلرچه دالری امانی صندوقی گه انتقال تاپیشی اوچون ایریم تکلیفلر اوستیگه کیلیشگنلر.
شونینگدیک آمریکا، صندوق ایجاد ایتیلیشی خصوصیده، سوئیس و باشقه قطار مملکتلر بیلن سوزلشگن. آمریکالیک بیر منبع نینگ رویترز گه ایتیشیچه، کابل ه ایمنالظواهری اولدیریلیشی بیلن، اوشبو صندوق ایجاد ایتیلیشی گه دایر آمریکا قوشمه ایالتلری اوز قراری گه توختهگن.
بیزلرنینگ توییترده هم تعقیب قیلینگ!
افغانستان ده اسلامی امارت حاکم بولیشیدن کیین، آمریکا قوشمه ایالتلری افغانستان نینگ آمریکا بانکلریدهگی ۷ میلیارد دالر سرمایهسینی موزلتدی.
شوندهی بیرحالده، اوتگن بیر ییل جریانیده افانستان نینگ اقتصادی وضعیتی یامانلشیب و حاضرگه قدر مملکت نینگ بانکی تیزیمی عادی حالیتی گه قیتمهگن.