تاجیکستان برق ملی شرکت باشلیغی محمدعمر آسوزاده نینگ ایتیشیچه، افغانستان وارداتی برق قرضلرینی حاضرگچه توللمهگن.
(سهشنبه، ۲۱ سرطان) مطبوعاتی ییغینده اشتراک ایتگن تاجیکستان برق ملی شرکت باشلیغی نینگ ایتیشیچه، افغانستان برق شرکتی اوز قرضینی آز_آز توللـهماقده. او افغانستان نینگ قنچه قرض دارلیگینی بیلدیرمهگن.
بیزلرنینگ فیسبوک صحیفهمیزگه باش اورینگ!
جناب آسوزاده نینگ کوپهیتیریشیچه، تاجیکستان حاضرگی کونده بیر ساعت ده ۹ میلیون کیلوات برق افغانستان گه صادر قیلهدی.
آسیا پلاس نینگ گزارشی گه بناً، تاجیکستان برق ملی شرکت باشلیغی اوشبو میلادی ییل نینگ جنوری آیی ده، افغانستان تاجیکستان نینگ وارداتی برقی دن ۳۳ میلیون دالر قرضدارلیگینی ایتگن ایدی.
افغانستان برق شرکتی اوشه وقتده برق طفیلی قرضلرینی اوشبو ییل نینگ فبروری آیی گه قدر، تاجیکستان گه توللشیدن ایشانچ بیرگن ایدی.
بیزلرنینگ فیسبوک صحیفهمیزگه باش اورینگ!
تاجیکستان نینگ معلوماتی اساسیده، اوتگن ییلی توپلم شکلده ۵۶.۳ میلیون دالرلیک برق افغانستان گه صادر قیلگن.
افغانستان قوشنی مملکتلر نینگ وارداتی برقی گه سوینگن.
قطار ولایتلر جمله دن کابل، یاز و قیش موسومی ده برق تنقیصلیگی بیلن روپهره بولهدی. اوشبو ایکی موسوم ده کابل نینگ برقی پرچوی شکلده توزیع بولهدی.