برشنا شرکتی نینگ نشرات سرپرستی احمد مسعود نیکزاد، وارداتی برق قرض‌لری نینگ کوپه‌یشیدن خبر بیرگن. جناب نیکزاد نینگ ایتیشیچه، برشنا شرکتی ایران، اوزبیکستان، تاجیکستان و ترکمنستان مملکت‌لریدن کمیده ۶۲ میلیون دالر قرضدار دیر و بو شرکت نینگ بودجه‌سیده یالغیز ۵۰ میلیون دالری بار.
برشنا شرکتی نینگ نشرات سرپرستی سلام‌وطندارگه ایتیشیچه، برشنا شرکتی برق وارد قیله‌دیگن مملکت‌لرگه قرضی نی بیره آلمه‌یدی و اولر ایسه بیرلشگن ملتلر تشکیلاتی نینگ اورین‌باسرلیک هیأت دفتری یا یوناما دن ۹۰ میلیون دالر پول یاردم ایسته‌گن.
بیزلرنینگ فیسبوک صحیفه‌میزگه باش اورینگ!
مسعود نیکزاد نینگ ایتیشیچه، یوناما اوشبو مقدار پول نی برشنا شرکتی نینگ اختیاری قوییب و برق وارد قیله‌دیگن مملکتلرنینگ قرضی بیریلگن صورتده، افغانستان برق کم‌لیگی یا یوقلیگی بیلن روپه‌رو بولمه‌یشی ممکن.
بوندن آلدین وال استریت ژورنال کونده‌لیگی برشنا شرکت سابق رئیسی داوود نورزی دن نقل قیلیب و ایتگن ایدی که، برشنا شرکتی نینگ قرض‌لری بیریلمه‌گن صورتده، وارداتی برق اورته آسیا مملکت‌لری و ایران تامانیدن کیسیلیشی ممکن.
