برق پولینی توللـهمسلیک اولکه بویلب کتته قیینچیلیکلردن سنلسه ده، بیراق بو قیینچیلیک غزنی ولایتیده کوپراق سِیزیلهدی.
غزنی ولایتی حاکمی سوزلاوچیسی حافظ عمر غزنوی نینگ سلاموطندار گه ایتیشیچه، مذکور ولایتده دولت ادارهلری شامل تینچ اهالی برشنا شرکتیدن ۶۲ میلیون افغانی قرضدار دیر، ۳۲ میلیونی دولت ادارهلری و ۳۰ میلیونی ایسه سوداگرلیک و یشش اویلر گه تیگیشلی دیر.
اونگه کوره، غزنی ده برق حسابیدن قرضدار کیشیلر نینگ برقینی کیسیش جریانی باشلنگن.
بیزلرنینگ فیسبوک صحیفهمیزگه باش اورینگ!
غزنی حاکمی سوزلاوچیسی گه کوره، دولت ادارهلری، سوداگرلیک شرکتلر و یشش اویلر اوز قرضلرینی توللمهگن تقدیرده، برقلری کیسیلیب و اولر بیلن قانونی یانده شیلهدی.
ایش بیلرمانلردن قطاری، برق پولی اوز وقتیده توللـهنیلیشنی پروژهلر عملگه آشیریلیشی و یخشی حکومتدارلیک اوچون ایجابی دیب و غزنی ده برشنا شرکتیدن قرضدار کیشیلر نینگ برق لینی، کیسیلیشینی خوش قرشیلشهدی.
بیلیم یورتی اوقیتووچیسی محمد فاروق پویا نینگ ایتیشیچه، قانون برچه اوستیگه بیر تور عملگه آشیریلیشی کیرهک.
بیزلرنینگ توییترده هم تعقیب قیلینگ!
سابق حکومت زمانیده زوروانلر و یشاوچیلردن بیرقطاری میلیونلرچه افغانی قرضلرینی برشنا شرکتی گه توللـهمسلیکلری باعث، مذکور شرکت قوشنی مملکتلر نینگ وارداتی برق مصرفینی توللـهی آلمهگن ایدی، شونینگدیک اوشبو شرکت حاضرگچه میلیونلرچه افغانی اوزبیکستان و تاجیکستان دن قرضدار دیر.