طالبان جنگریلری و امنیتی کوچلر آرهسیده آتیشمهلر شدتلنگن بیر حالده، طالبان گروهی، تینچلیککه قول تاپیش اوچون بیرینچی یول اشرف غنی نینگ چیکلهنیشی و ینگی حکومت ایجاد ایتیلیشی دیگن.
بیراق، افغانستان حکومتی نینگ زوروانلیکلر توختهتیلیشی اوستیگه تاکید قیلیب ایتیشیچه، افغانستان اهالیسی اوچون وحشت نینگ یکونلنتیریلیشی اولویتگه دیر.
لیکن، سیاسی ایش بیلرمانلرنینگ ایتیشلریچه، ایکی تامان قبول ایتیلمهیدیگن شرط لرنی مطرح قیلهدی و مملکتده دوامی بولگن اوروشنی یکونلنتیریش کوچی یوق دیر.
سلاموطندار اوزبیک بولیمینی فیسبوکده تعقیب قیلینگ
سیاسی ایش بیلرمانلردن بیری رحمتالله بیژنپور نینگ ایتیشیچه، حاضرگهقدر تینچلیک بحثلری جدی و تاثیرلی ایمس ایدی و مسوولیتسیزلیک و برنامهسیزلیک سبب، نتیجهسیز قالگن .
اونینگ تاکید قیلیشیچه، افغانستان جاری وضعیتینی حل قیلیش اوچون اوچینچی حل یولنی قولگه آلیش کیرهک .
سیاسی ایش بیلرمانلردن باشقه بیری آصف آشنا نینگ ایتیشیچه، طالبان نینگ قدرت ایستهیشی و عینحالده، حکومت نینگ تینچلیک و اوروش اوچون بیللی بولمهگن ریجهسی سبب، حاضرگهقدر تینچلیک خصوصیده معنالی بیر ییغین صورت تاپمهگن.
ایتیلیشیچه، طالبان نینگ هجوملری کوپهیگنی و بیرقطار تومنلرنی اوشبو گروه قولیگه سقوط قیلگنیدن سونگ، اوتگن هفته ملی مصالحه کینگشی باشلیغی عبدالله عبدالله حکومتی بیر هیات باشلیغی ده طالبان بیلن ایکی کونلیک بیر ییغین اوچون قطرگه بارگن ایدی.
بیزلرنی توییتر ده تعقیب قیلینگ
اوشبو ییغینده آتیشکسین اوچون کیلیشوو صورت تاپیشی خصوصیده بیرقطار امیدوارلیکلر بار ایدی، لیکن ایکی تاماندن نشر ایتیلگن اعلامیهلرگه کوره، بو اوچرهشووده سوزلشوولر دوام تاپیشی، ییر آستی قوریلمهلری سقلهنیشی و تینچ اهالی تلفاتیگه توسیق بولیش خصوصیده کیلیشوو صورت تاپگن.