افغانستان تینچلیگی بوییچه امریکا تشقی ایشلر وزیرلیگی نینگ مخصوص نماینده سی توماس وست نینگ ایتیشیچه، امریکا، افغانستان گه ییتکیزه دیگن انسانسیورلیک یاردملری دوامی ده ۴۷۴ میلیون دالر و بیر میلیون دوز کرونا واکسینی بو اولکه گه یاردمبیره دی.
وست نینگ تویترده یازیشیچه، بیر میلیون دوز کرونا واکسینی یاردم ایتیلیشی بیلن، امریکا، افغانستان گه یاردم ایتگن واکسینلر سانی ۴.۳ میلیون گه ایریشه دی. او نینگ ایتیشیچه، ۴۷۴ میلیون دالر هم جاری ییلده بو مملکت گه بوله دیگن انسانسیورلیک یاردملر جمله سیگه کوپهیتیریله دی.
بیزلرنینگ فیسبوک صحیفهمیزگه باش اورینگ!
افغانستان تینچلیگی بوییچه امریکا تشقی ایشلر وزیرلیگی نینگ مخصوص نماینده سی توماس وست نینگ اوغولشیچه، امریکا افغانستان خلقی نینگ یانیده توختهیدی.
کورینیشیچه، اسلامی امارت رسمیلری قیته قیته ایتیشگن که، امریکا بیلن یخشی و یقین علاقهلری بولیشی نی ایستهیدی و امریکا افغانستان نینگ سرمایه سی نی آزاد ایتسین؛ اما امریکا، افغانستان نینگ موزلهتیلگن پوللری نی آزاد ایتیلیشی مرکب و قیین مساله دیب تاکیدلهگن.
بو عین حالده که خلقارا تشکیلاتلر، هردایم افغانستان ده اقتصادی وضعیت یمانلنیشی و انسانی بحران یوزبیریشی گه اخطار بیریب، اگر افغانستان مقابلیده چیکلاولرآزهیتیریلمسه و انسانی یاردملر تیزلیکده ییتیشتیریلمسه انسانی فاجعه یوزبیره دی، دیگن.