ارزگان ولایتیده اوتمیش اوروش‌لردن قالگن ماین‌لر، اوشبو ولایتده اوروش آواره‌لری اوی_جای‌لری گه قیتیش اوچون کتته توسیق سنله‌دی.
بوندن آلدین تورر اوی‌لری اوروش سنگری بولیب و آواره بولگن ارزگان یشاوچیلریدن قطاری، اوروش زمان‌لریدن قالگن ماین‌لر سبب، اوی‌لری گه قیته آلمه‌یدیلر. اولر اسلامی امارت‌دن، تورر اوی‌لرینی ماین‌لردن تازه‌لشینی طلب قیله‌دیلر.
بیزلرنینگ فیسبوک صحیفه‌میزگه باش اورینگ!
شو بیلن بیرگه ارزگان ساغلیق‌نی سقلش مسئوللری نینگ ایتیشلریچه، اسلامی امارت حاکم بولیشیدن حاضرگچه، اوروش زمانیدن قالگن ماین‌لر قربانی بولگن‌لردن بیرقطاری ساغلیک مرکزلرده مراجعت قیلگن‌لر.
باشقه تاماندن ارزگان محلی متصدی‌لری، اوشبو ولایت بویلب ماین تازه‌لش بیر مؤسسه ایش باشله‌گنیدن خبر بیره‌دیلر.
بیزلرنینگ توییترده هم تعقیب قیلینگ!
بو عین‌حالده، اوشبو ییل ۱۶ حمل ده، امریکا تشقی ایشلر وزیرلیگی ترقه‌تگن گزارشی ده، اوروش زمان‌لریدن قالگن ماین‌لر پارتلشی عاقبتیده تینچ اهالی تلفاتی آشیشیدن خواطر بیلدیرگن ایدی.
