اوتگن کون ننگرهار مرکزی جلال‌آباد شهریده ترور ایتیلگن انعکاس خصوصی تلویزیونی نینگ سعدیه سادات، شهناز رووفی و مرسل وحیدی ناملی اوچ ایشلاوچیسی نینگ جسدی بوگون (چهارشنبه ۱۳- حوت) توپراققه تاپیشیریلدی. مذکور حادثه‌ده محل دن اوته‌دیگن باشقه بیر عیال تن جراحتی کوتارگن.

مذکور اوچ عیال انعکاس رادیو و تلویزیونی نینگ دوبله بولیمی‌ده ایشله‌یدی ایکن. اوشبو اوچ عیال نینگ اقارب‌لریگه کوره، اولر یمان اقتصادی وضعیت گه قرار تاپگنلر.

انعکاس تلویزیونی باشلیغی زلمی لطیفی نینگ ایتیشیچه، اوشبو عیال ایشلاوچی‌لری تحصیلات‌لرینی بیتتیریش‌لرینی آرزو قیلگن ایکنلر، بیراق قشاقلیک و مالی قیینچلیکلر باعث ایش قیله‌دی ایدیلر.

ایچکی ایشلر وزیرلیگی بو حادثه حقیده بیر کیشی نینگ قولگه آلینگنیدن خبر بیردی.

ننگرهار حاکمی سوزلاوچیسی عطاالله خوگیانی نینگ ایتیشیچه، بو ولایت حاکمی ننگرهار امنیتی رسمی‌لری بیلن صحبت اوتکزیب ایتیشیچه، مذکور حادثه عامل‌لرینی تانیب قولگه آلیش‌لری کیره‌ک بولمه‌گنده،‌ وظیفه‌لرینی قوییب یوباریش‌لری کیره‌ک.

طالبان بو حادثه گه قوللری بارلیگی نی رد قیلگن.

رویترز خبرگزارلیگی نینگ گزارش بیریشیچه، داعش گروهی اوشبو حادثه مسئولیتی نی بوینیگه آلگن. شونینگدیک کمیده اوچ آی آلدین انعکاس تلویزیونی باشقه بیر ایشلاوچیسی ملالی میوند جلال‌آباد شهریده اولدیریلگن ایدی.

مرتبط با این خبر:

کلیدی کلمه‌لر: // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام