سرپل ولایتی کینگش اعضالری نینگ ایتیش‌لریچه، بو ولایتده ۶۰ حربی طالبان گه تسلیم بولگن. سرپل ولایتی کینگش اعضاسی اسدالله خرم نینگ سلام‌وطندارگه ایتیشیچه، نیچه ساعت آلدین مذکور ولایت مرکزی گه تیگیشلی «بغاوی» قیشلاغیدهگی حربی کوچلرنینگ ۴- کندکی و شونینگدیک اوچ خوفسیزلیک پوسته «سنگ توده» منطقه‌سیده برچه حربی جهازلری بیلن طالبان نینگ قولیگه سقوط قیلگن.
سرپل ولایتی کینگش اعضالری نینگ ایتیش‌لریچه، اوشبو ولایت نینگ سوزمه قلعه تومنیده امنیتی کوچلردن ۱۴۰ ته‌سی و سرپل-جوزجان قتناو یولی نینگ سیدآباد منطقه‌سیده ۶۰ ته‌سی طالبان قمراویگه قرار تاپگن.
سرپل ولایتی کینگش اعضالریگه کوره، سرپل-جوزجان قتناو یولیده جایلشگن ۱۸ پوسته آتیشمه یوز بیرمسدن طالبان قولیگه سقوط قیلگن
کاپیسا محلی مسوول‌لری نینگ ایتیش‌لریچه، اوتگن هفته لغمان ولایتی نینگ دولت‌شاه تومنیدن کاپیسا ولایتی نینگ اله‌سای تومنی تامان باره‌دیگن ۱۶ فوتبالچی طالبان تامانیدن اوغیرلنگن ایدی.
کاپیسا ولایتی نینگ اله‌سای تومنی ولسوالی غلام‌نقشبند صافی نینگ سلام‌وطندارگه ایتیشیچه، طالبان جنگریلری مذکور کیشی‌لرنی اوشبو تومن نینگ «اسکین» دره‌سیدن اوغیرلب «شپی» دره‌سیگه انتقال بیرگن.
بغلان ولایتیدن امنیتی منبع نینگ سلام‌وطندارگه ایتیشیچه، بوگون “پنجشنبه” ایرته‌لب ساعت ۲ ده اوشبو ولایت مرکزی پلخمری شهری نینگ باغ شمال منطقه‌سیده ملی اردو بیر قرارگاهی پارتلش ماده یوکلنگن موتر آرقه‌لی هجوم آستیگه قرار بیریلگن.
منبع نینگ ایتیشیچه، حاضرگه‌قدر اوشبو واقعه‌ده ملی اردو حربی‌لریدن ۶ ته‌سی هلاک و باشقه ۱۰ ته‌سی یره‌لنگن.
تخار ولایتی کینگش کاتبی محمداعظم افضلی نینگ سلام‌وطندارگه ایتیشیچه، طالبان جنگریلری اوتگن کیچه، اوشبو ولایت نینگ چاه‌آب تومنی اوستیگه هجوم قیلگن و بوگون “چهارشنبه” امنیتی کوچلر اوشبو تومن پولیس قومندانلیگی و تومن بناسینی ترک قیلیب شهر باشقه منطقه‌لریگه جایلشگنلر.
فاریاب، غزنی و بادغیس ولایت‌لردن قولگه کیلگن معلومات‌لرگه کوره، اوشبو ولایت‌لرنینگ ۶ تومنی شدتلی آتیشمه‌لردن سونگ، طالبان قولیگه سقوط قیلگن. فاریاب ولایتی نینگ قیصار و دولت‌آباد تومنی، غزنی ولایتی نینگ آب‌بند و جغتو تومنی و بادغیس ولایتی نینگ جوند تومنی طالبان نظارتی‌گه اوتگن تومن‌لر جملهسیدن دیر.
جوزجان ولایتی کینگش اعضالریدن بیرقطاری نینگ ایتیش‌لریچه، اوشبو ولایت نینگ آقچه، فیض‌آباد، مردیان، خانقاه، منگجیک، قرقین، خماب، درزاب و قوش‌تپه تومن‌لری اقتصادی تحریم آستیگه قرار تاپگن.
جوزجان ولایتی کینگش اعضالریگه کوره، جوزجان مرکزی و ۷ ولایتیده امنیتی وضعیت خواطرلنترووچی دیر و دقت بولمه‌گن صورتده، مذکور تومن‌لری طالبان قولیگه سقوط قیلیشی ممکن.
هرات ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان جنگریلری اوتگن “یکشنبه” کیچه اوشبو ولایت نینگ پشتون‌زرغون تومنیده مردمی کوچلرنینگ «سیدآباد» نام‌لی پوسته‌سی اوستیگه هجوم قیلگنلر.
فاریاب ولایتی نینگ قیصار تومنی اوتگن کون طالبان نظارتی گه اوتدی، بیراق حربی‌لردن کمیده ۳۰ ته‌سی اوزلرینی طالبان قمرویدن نجات بیریب و امنیتی کوچلرنینگ نظارتی گه بولگن «کوهی» قیشلاغیدهگی حربی‌لرگه ییتیشتیردی، بیراق کوپ وقت اوتمه‌دی که کوهی قیشلاغی هم طالبان قولیگه سقوط قیلدی.
فاریاب ولایتی کینگش عضوی نادر سعیدی نینگ سلام‌وطندارگه ایتیشیچه، قیصار پولیس قومندانلیگی و بلدیه بناسی طالبان نظارتی‌گه اوتگن و آتیشمه نتیجه‌سیده اوشبو تومن پولیس قومندانی سیف‌الرحمان دهزاد شامل ۱۴ حربی هلاک و باشقه ۳۷ حربی طالبان قولیگه اسیر بولگن.
نورستان ولایتیدن دولتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، امنیتی کوچلر اوشبو ولایت نینگ «دوآب» و «مندول» تومن‌لرینی ترک قیلگنلر و اوشبو ایکی تومن طالبان نظارتی‌گه اوتگن.
بغلان ولایتیدن اعتبارلی بیر منبع نینگ سلام‌وطندارگه ایتیشیچه، اوشبو ولایت نینگ جلگه تومنی‌نی «گودری» منطقه‌سیده طالبان لایزری قطعه‌سی نینگ هجومی سبب، اوشبو تومن پولیس قومندانی گلبدین غفوری و برکه تومنی نینگ پولیس قومندانلیگی سرپرستی لطف‌الله حق‌بین باشقه ۷ پولیس بیلن هلاک ایتیلگن و مردمی کوچلر شامل باشقه ۱۰ حربی یره‌لنگن.
تشقی ایشلر وزیرلیگی بیر خبرنامه ترقه‌تیب ایتیشیچه: «تینچیلک بوزوچی‌لری توغریسیده پاکستانلیک رسمی‌لری نینگ سونگی بیاناتی گه عکس‌العمل، افغانستان تشقی ایشلر وزیرلیگی بونی آچیقله‌یدی که تینچلیک اوچون دنیا و افغانستان اهالیسی نینگ ایسته‌گی گه رد جواب بیریب و قان توکیش گه دوام بیره‌دیگنلر، تینچلیک بوزوچی‌لری دیر.»
افغانستان اوچون اروپا بیرلیگی نینگ خاص نماینده‌سی توماس نیکلسون، بوگون (جمعه ۱۴- جوزا) خبری بیر ییغینده رسانه‌لرگه ایتیشیچه، افغانستان تینچلیگی حقیده بحث و سوزلش اوچون یقیین کیله‌جکده دوحه کیتیشی ممکن.
هرات حاکمی سیدعبدالوحید قتالی نینگ ایتیشیچه، فرسی تومنیده امنیتی کوچلر و طالبان گروهی آره‌سیده یوزبیرگن آتیشمه‌ده، مذکور تومن پولیس قومندانی باشقه بیر حربی بیلن هلاک و شونینگدیک باشقه بیر حربی ایسه تن جراحتی کوتارگن. جناب قتالی نینگ ایتیشیچه، شونینگدیک مذکور آتیشمه‌ده ۱۳ طالب هلاک و باشقه ۶ طالب ایسه یره‌لنگن.
نماینده‌لر کینگش اعضالریدن قطاری، بوگونگی عمومی ییغین‌لریده مملکت ولایت‌لریدن قطاری ده اوروش دوام تاپیشی و زوروانلیکلر کوپه‌یگنیدن خواطر بیلدیریب و ایتیش‌لریچه، تومن‌لرده طالبان هجومی نینگ دوامی بار و اولر نهایتده شهرلر و ولایت‌لرنینگ مرکزی گه قدر ییتیشگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
