نماینده‌لر کینگش اعضالریدن قطاری، بوگونگی عمومی ییغین‌لریده مملکت ولایت‌لریدن قطاری ده اوروش دوام تاپیشی و زوروانلیکلر کوپه‌یگنیدن خواطر بیلدیریب و ایتیش‌لریچه، تومن‌لرده طالبان هجومی نینگ دوامی بار و اولر نهایتده شهرلر و ولایت‌لرنینگ مرکزی گه قدر ییتیشگن.

نماینده‌لر کینگش اعضاسی حاجی نظری نینگ ایتیشییچه: «هرات ده امنیتی وضعیت کوپ یمان دیر و تومنلرنینگ وضعیتی هم کوپ یمان ایدی، بیراق حاضر طالبان شهر ایچیگه هجوم قیله‌دی و حربیلر و تینچ‌اهالینی اولدیره‌دی. حکومت بو توغریده توجه قیلمه‌یدی، بیراق پارلمان نینگ توجه قیلیشی گه امیدوارمن. طالبان شهر گه کیریب هرات نی سقوط بیرگنده، برچه افغانستان سقوط قیلیشی ممکن.»

باشقه بیر تاماندن نماینده‌لر کینگش اعضالریدن قطاری، امنیت تأمین‌لنیشی خصوصیده حکومت نینگ توجه‌سیزلیککه عیب‌لب و ایتیش‌لریچه، حکومت اورته گه کیلگن فرصت دن تینچلیک اوچون فایده‌لنمه‌گن.

بیزلرنینگ فیسبوک صحیفه‌میزگه هم باش اورینگ!

نماینده‌لر کینگش اعضاسی ابدال محمدی نینگ ایتیشیچه: «افغانستان نینگ امنیتی و اقتصادی وضعیتی یخشی‌لنیشی اوچون حکومت اینیقسه جمهوررئیس نینگ بیر برنامه‌سی یوق، قیغو بیلن تینچلیک پروسه‌سی هم امیدسیزلیک تامان کیتماقده و حکومت هم بو پروسه دن فایده‌لنمه‌گن. تینچلیک بولمه‌گن صورتده وضعیت کوپ یمان بولیشی ممکن.»



نماینده‌لر کینگشی نینگ بوگونگی عمومی ییغینی نی رهبرلیک قیلگن، مذکور کینگش نینگ بیرینچی اورین‌باسری احمدجاوید جیحون نینگ اورغولشیچه، زورانلیکلر دوام تاپیشی نی بیر فایده‌سی یوق و افغانستان ده یالغیز ییچیم یول سیاسی مشارکت و بیرلیک دیر.

اونینگ کوپه‌یتیریشیچه: «زوروانلیکلر دوام تاپیشی، ریجه‌لنگن قتل‌لر و تینچ‌اهالی نی هدف آلیش کوپ خواطرلی دیر. اولکه‌داشلریمیز هر کون عزیزلرینی قولدن بیره‌دی. آچیق شکلده اَیته من که زوروانلیکلر کوپه‌یشی و اوروش دوام تاپیشی پالیسی باخت-باخت دیر و بونگه هیچ کیم غالب بولمه‌یدی و مغلوب بوله‌دیگنلر جامعه نینگ عادی اهالیسی دیر.»

بیزلرنینگ توییترده هم تعقیب قیلینگ! 

بو توغریده ملی مدافعه وزیرلیگی نینگ فکرینی آلیش ایسته‌دیک، بیراق مذکور وزیرلیک سوزلاوچی‌لری بو حقده سوزلش اوچون حاضر بولمه‌دی.

اوشبو موضوعلر بیان ایتیلگن بیرحالده، حکومت و طالبان آره‌سیده تینچلیک سوزلشوولری باشلنگنیدن بویان، مملکتده زوروانلیکلر دوام تاپماقده و چیت‌ایللیک کوچلرنینگ چیقیشی بیلن اوروش شدت‌لنگن. عین حالده، رمضان بیره‌می دن کیین باشله‌نیشی گه قرار قیلینگن تینچلیک سوزلشوولریدن حاضرگچه هیچ بیر خبر یوق.

مرتبط با این خبر:

کلیدی کلمه‌لر: // // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام