افغانستان اوچون اروپا بیرلیگی نینگ خاص نماینده‌سی توماس نیکلسون، بوگون (جمعه ۱۴- جوزا) خبری بیر ییغینده رسانه‌لرگه ایتیشیچه، افغانستان تینچلیگی حقیده بحث و سوزلش اوچون یقیین کیله‌جکده دوحه کیتیشی ممکن.
جناب نیکلسون نینگ ایتیشیچه، تینچلیک توغریسیده افغانستان حکومتی نینگ ریجه‌لری و تکلیف‌لری اولرگه ییتیشگن؛ بیراق سوزلشوو نینگ باشقه تامانیدن حاضرگچه هیچ قنده‌ی ریجه یا تکلیف اولرگه کیلمه‌گن.
اونینگ کوپه‌یتیریشیچه، چیت‌ایللیک کوچلر افغانستان نی ترک قیلماقده و شونده‌ی بیرحالده، افغانستان حکومتی محبوس‌لری نینگ قوییب یوباریلیشی توغریسیده‌گی طالبان ایسته‌گی گه ایجابی جواب بیریب و اولردن کوپینچه‌سی نینگ قوییب یوباردی، بیراق تینچلیک سوزلشوولری حاضرگچه ییترلیچه آلغه کیتمه‌گن.
بیزلرنینگ فیسبوک صحیفه‌میزگه هم باش اورینگ!
افغانستان، چین و پاکستان تشقی ایشلر وزیرلری، تیزلیککه آتیش کیسین اعلام ایتیلیشی، معنالی سوزلشوولر باشله‌نیشی و افغانستان و منطقه‌ده دایمی تینچلیک تأمین ایتیلیشی نی سوره‌شگن.
افغانستان اوچون اروپا بیرلیگی نینگ خاص نماینده‌سی گه کوره، آتیش کیسین و زوروانلیکلر کمه‌یتیریلیشی تینچلیک سوزلشوولری باشله‌نیشی نینگ شرط‌لریدن بیری بولگن بیرحالده، بیراق تینچلیک سوزلشوولری باشلنیشی بیلن، افغانستان ده زوروانلیکلر میزانی یوقاری کیتگن.
باشقه بیر تاماندن جناب نیکلسون نینگ ایتیشیچه، چیت‌ایللیک کوچلرنینگ افغانستان دن چیقیشی بو مملکت بیلن علاقه‌لرنی کیسیش معناسیگه کیلمه‌یدی؛ بلکیم اولرنینگ دیپلماتیک علاقه‌لری افغانستان بیلن دوام تاپه‌دی و بو مملکت توغریسیده اولرنینگ پالیسی‌سی اوزگرمه‌یدی.
بیزلرنینگ توییترده هم تعقیب قیلینگ!
جناب نیکلسون نینگ کوپه‌یتیریشیچه، کیله‌جک هفته‌لرده پاکستان گه سفر قیلیشی ممکن و بو سفر ده افغانستان تینچلیک پروسه‌سی و بو پروسه توغریسیده پاکستان نینگ توشونچه‌سی اوستیگه بحث و سوزلشی ممکن.
